IND vs AUS / VIDEO: ક્રિકેટ ફેન્સ પર પોલીસે કરી ડંડાવાળી, હૈદરાબાદમાં મેચની ટિકિટ માટે ભીડ બેકાબૂ, ભારે અફરાતફરી

• ખેલ મંત્રી એ બ્લેક માર્કેટિંગ કરીને ટિકિટ વેચનારાઓ ચેતવણી આપી
• જીમખાના સ્ટેડિયમમાં ટિકિટો માટે અફરાતફરી જોવા મળી હતી 
• 25 સપ્ટેમ્બરના રમાશે ભારત અને ઓસ્ટ્રેલિયાનો મેચ 

હૈદરાબાદમાં 25 સપ્ટેમ્બરના રોજ ભારત-ઓસ્ટ્રેલિયા T20 આંતરરાષ્ટ્રીય મેચનું આયોજન થવા જઈ રહ્યું છે. એવામાં આ મેચની ટિકિટોનું બ્લેક માર્કેટિંગ પણ શરૂ થઈ ગયું છે. એટલા માટે તેલંગાણાના ખેલ મંત્રી વી શ્રીનિવાસ ગૌડે એ બ્લેક માર્કેટિંગ કરીને ટિકિટ વેચનારાઓ ચેતવણી આપી દીધી છે. 

શું બોલ્યા ખેલ મંત્રી? 
તેમણે કહ્યું હતું કે લોકો રાજ્યની છબીને બદનામ કરે તે સહન નહીં કરે. વી શ્રીનિવાસ ગૌડે કહ્યું હતું કે, "મેચની ટિકિટ પારદર્શક રીતે વહેંચાવી જોઇએ. "ખેલ મંત્રાલય અને પોલીસ મેચની ટિકિટના વેચાણ પરની તમામ ઘટનાઓ પર નજર રાખી રહી છે." સાથે જ એમને જણાવ્યું હતું કે તેઓ ગુરુવારે મુખ્ય સચિવ સાથે ઉપ્પલ સ્ટેડિયમની મુલાકાત લેશે અને સ્ટેડિયમની કેપીસીટી અને ટિકિટના વેચાણ વિશેના રિપોર્ટ પણ માંગશે.

જીમખાના મેદાનમાં ટિકિટો માટે અફરાતફરી જોવા મળી હતી 
તમને જણાવી દઈએ કે બુધવારે તેલંગાણા ખાતે આવેલ જીમખાના સ્ટેડિયમમાં બનેલી ઘટનાને ધ્યાનમાં રાખીને  ખેલ મંત્રી વી શ્રીનિવાસ ગૌડે એ આ ચેતવણી આપી છે. બુધવાના દિવસએ T20I માટે ટિકિટ મેળવવાની આશામાં જીમખાના સ્ટેડિયમ પર આવેલા ઘણા ચાહકોને ખાલી હાથ પાછા ફરવું પડ્યું હતું. અને એ સમયે જ જીમખાના સ્ટેડિયમમાં અફરાતફરીનો માહોલ જોવા મળ્યોહતો. હૈદરાબાદ ક્રિકેટ એસોસિએશનના સેક્રેટરીએ જણાવ્યું હતું કે, "ટિકિટો છપાઈ રહી છે અને એક-બે દિવસમાં લોકોને આપવામાં આવશે. ટિકિટ વેચાણનો બીજો રાઉન્ડ શરૂ થશે પણ હજુ ટિકિટના ચોક્કસ આંકડા અમારી પાસે નથી. ટિકિટ ઓનલાઈન અને ઓફલાઈન બંને રીતે વેચવામાં આવશે."

#WATCH | Telangana: A stampede broke out at Gymkhana Ground after a huge crowd of cricket fans gathered there to get tickets for #INDvsAUS match, scheduled for 25th Sept at Rajiv Gandhi International Stadium, Hyderabad. Police baton charged to disperse the crowd

4 people injured pic.twitter.com/J2OiP1DMlH

— ANI (@ANI) September 22, 2022

25 સપ્ટેમ્બરના રમાશે મેચ 
ભારત અને ઓસ્ટ્રેલિયા વચ્ચે ત્રીજી T20 મેચ 25 સપ્ટેમ્બરના રોજ હૈદરાબાદના રાજીવ ગાંધી આંતરરાષ્ટ્રીય ક્રિકેટ સ્ટેડિયમમાં યોજાશે. આ મેચ સાંજે 7.30 વાગ્યે શરૂ થશે. હૈદરાબાદ ક્રિકેટ એસોસિએશનના જણાવ્યા અનુસાર આ મેચની ટિકિટ Paytm એપ અને Paytm ઇનસાઇડર એપ પર 15 સપ્ટેમ્બરથી શરૂ થઈ ગઈ છે અને આ સાથે જ ઑફલાઇન વેચાણ માટેની ટિકિટ વિન્ડો મેચની તારીખથી શરૂ થશે.