ભારત અને ઓસ્ટ્રેલિયા વચ્ચે આગામી 17 જાન્યુઆરીએ વનડે મેચ રાજકોટના ખંઢેરી સ્ટેડિયમ ખાતે રમવા જઈ રહી છે ત્યારે આજે ભારત અને ઓસ્ટ્રેલિયાની ટીમ રાજકોટ ખાતે પહોંચી હતી. મહત્વનું છે કે ભારત અને ઓસ્ટ્રેલિયા વચ્ચેની 3 વનડે મેચોની સીરીઝમાં પ્રથમ વન-ડેમાં ભારતનો પરાજય થયો છે. ત્યારે રાજકોટ ખાતે રમાનાર બીજી વનડે મેચ ભારત માટે કરો યા મરો સમાન છે.
ભારત-ઓસ્ટ્રેલિયા વન ડે
બંને ટીમ પહોંચી રાજકોટ
ક્રિકેટ પ્રેમીમાં ઉત્સાહ
રાજકોટ ભારતીય ક્રિકેટ ટીમ પહોંચી છે. ખંઢેરી સ્ટેડીયમ ખાતે 17 જાન્યુઆરીએ વન-ડે મેચ યોજાશે. ભારત અને ઓસ્ટ્રેલિયા વચ્ચે વન-ડે મેચ રમાશે. ભારતની ટીમ હોટલ સયાજીમાં રોકાણ કરશે. જ્યારે ટીમ ઓસ્ટ્રેલિયા ઈમ્પિરીયલ પેલેસમાં રોકાશે.
ગુરૂવારે બંને ટીમ ખંઢેરી સ્ટેડિયમમાં પ્રેક્ટિસ કરશે. ભારતીય ટીમ રાજકોટ આવી પહોંચતા તેમને પૂષ્પમાળા પહેરાવી, ચાંદલા વિધી કરી અને ખેલૈયાઓ દ્વારા ગરબા રજૂ કરી સ્વાગત કરવામાં આવ્યું હતું.
બીજી તરફ આ મેચને લઈને રાજકોટના ક્રિકેટ પ્રેમીઓમાં પણ ભારે ઉત્સાહ જોવા મળી રહ્યો છે. ભારતીય ટીમના ખેલાડીઓની એક ઝલક જોવા માટે મોટી સંખ્યામાં ક્રિકેટપ્રેમીઓ હોટલની બહાર જોવા મળ્યા હતા. પોતાના ફેવરિટ ક્રિકેટરની એક ઝલક જોવા માટે આતુર હતા.