ક્રિકેટ / IND vs AUS: ફિનિશર રિંકુ સિંહે છેલ્લા બોલે છગ્ગો માર્યો પણ કાઉન્ટ ન થયો શૉટ, પણ કેમ? જાણો એવું તો શું બન્યું

• ઓસ્ટ્રેલિયા સામેની T-20 મેચમાં રિંકુ સિંહે છેલ્લા બોલ પર સિક્સર ફટકારી  
• ભારતને જીતવા માટે છેલ્લા બોલ પર એક રનની જરૂર હતી
• છેલ્લો બોલ નો બોલ હતો અને ભારતને માત્ર એક ફ્રી રનથી જીત મળી હતી

ભારત અને ઓસ્ટ્રેલિયા વચ્ચે રમાયેલી પ્રથમ T-20 મેચમાં યજમાન ટીમે જીત મેળવી હતી. આ મેચમાં ઓસ્ટ્રેલિયા દ્વારા આપવામાં આવેલા 209 રનના ટાર્ગેટનો પીછો કરવા આવેલી ટીમ ઈન્ડિયાએ શાનદાર પ્રદર્શન કર્યું અને ઝડપથી લક્ષ્યની નજીક પહોંચી ગઈ. પરંતુ અંતે બેક ટુ બેક વિકેટો પડવાને કારણે મેચ રોમાંચક વળાંક પર પહોંચી હતી. ત્યારબાદ રિંકુ સિંહે છેલ્લા બોલ પર સિક્સર ફટકારી હતી, પરંતુ તે પહેલા જ કંઈક એવું થયું કે ટીમ ઈન્ડિયા જીતી ગઈ. આવી સ્થિતિમાં રિંકુની વિનિંગ સિક્સરની મજા બગડી ગઈ હતી.

Nice way to finish Rinku Singh. With a superb sixer 👏#INDvAUS pic.twitter.com/fuDQ9GLQuq

— Kiran Kumar S (@KiranKS) November 23, 2023

રિંકુ સિંહના સિક્સ કેમ ન ગણાયા?
ભારત અને ઓસ્ટ્રેલિયા વચ્ચે રમાયેલી પ્રથમ T20 મેચના છેલ્લા બોલ પર રિંકુ સિંહના બેટમાંથી વિનિંગ સિક્સર જોઈ હશે, પરંતુ, શું તમે જાણો છો કે રિંકુ સિંહના ખાતામાં આ વિનિંગ સિક્સર ઉમેરાશે નહીં. ખરેખર, ભારતને જીતવા માટે છેલ્લા બોલ પર એક રનની જરૂર હતી. રિંકુ ક્રિઝ પર હતો અને સીન એબોટ તેની સામે હતો. તેણે બોલ નાખ્યો અને તેના પર રિંકુએ સિક્સર ફટકારી. ભારતની જીત પાક્કી થઈ ગઈ હતી અને બધાને લાગ્યું હતું કે જીતનો શોટ રિંકુના બેટમાંથી આવ્યો હતો, પરંતુ ટીમ ઈન્ડિયા તે પહેલા જ જીતી ગઈ હતી. વાત એમ હતી કે સીન એબોટ દ્વારા ફેંકવામાં આવેલો છેલ્લો બોલ નો બોલ હતો અને ભારતને માત્ર એક ફ્રી રનથી જીત મળી હતી.

The Finisher Rinku Singh is here to rule for India. 💪🫡pic.twitter.com/p3TtZOm7iC

— Johns. (@CricCrazyJohns) November 23, 2023

જો તમે મેચ લાઈવ જોઈ હશે તો તમે જોયું હોત કે ભારતની જીત પછી તરત જ હૂટર વગાડવામાં આવ્યું હતું, જે સાબિત કરે છે કે છેલ્લો બોલ નો બોલ છે. આ કારણે રિંકુની સિક્સ જીતવાની મજા બગડી ગઈ હતી અને તે રન તેના ખાતામાં ઉમેરાયો નહોતો. જણાવી દઈએ કે, પોતાની ઈનિંગમાં રિંકુએ 14 બોલમાં 22 રનની શાનદાર ઈનિંગ રમી હતી, જેમાં તેના બેટમાંથી 4 ચોગ્ગા પણ આવ્યા હતા. 

મેચની વાત કરીએ તો ઓસ્ટ્રેલિયાએ પ્રથમ બેટિંગ કરતા 209 રનનો લક્ષ્યાંક આપ્યો હતો. જવાબમાં, લક્ષ્યનો પીછો કરતી વખતે ટીમ ઈન્ડિયાને છેલ્લા બોલ પર જીતવા માટે એક રનની જરૂર હતી અને રિંકુ સિંહ સ્ટ્રાઈક પર હતો. સિક્સર ફટકારીને તેણે ફરી એકવાર સાબિત કર્યું કે તે ભારત માટે સારો ફિનિશર છે. ભલે તેની વિનિંગ સિક્સર ભારતની જીતનું કારણ બની નહતી પરંતુ ચાહકોમાં એ સિક્સર જોઇને ઉત્સાહ છવાઈ ગયો હતો.