IndvsAus: ઓસ્ટ્રેલિયા 326માં ઓલઆઉટ ભારતને પ્રારંભિક ઝટકો

ભારત-ઓસ્ટ્રેલિયા વચ્ચે ચાલી રહેલી ચાર ટેસ્ટ મેચની શ્રેણીની બીજી ટેસ્ટમાં ઓસ્ટ્રેલિયા બીજા દિવસે 326 રન પર ઓલઆઉટ થઇ ગયું છે. 326 રનના લક્ષ્યાંકનો પીછો કરવા ઉતરેલી ભારતીય ટીમની શરૂઆત ખરાબ રહી છે. મુરલી વિજય શૂન્ય રન પર આઉટ થઇ ગયો છે.

લંચ પહેલા જ ભારતીય બોલરોના શાનદાર પ્રદર્શનના કારણે મેજબાન ટીમ 326 રન પર ઓલઆઉટ થઇ ગઇ છે. ભારત તરથી સૌથી વધુ ઇશાંત શર્માએ 4 વિકેટ ઝડપી છે.

જ્યારે બુમરાહ ઉમેશ યાદવ અને હનુમા વિહારીએ બે-બે વિકેટ ઝડપી છે. પેટ કમિન્સ અને ટિમ પેન વચ્ચેની 59 રનની ભાગીદારીના કારણે ઓસ્ટ્રેલિયાની ટીમ 300નો સ્કોર પાર કરી શકી છે.

ઓસ્ટ્રેલિયાએ ગઇકાલના છ વિકેટના નુકસાન પર 278 રન પર આગળ રમવાનું શરૂ કર્યું હતું. ટિમ પેન અને પેટ કમિન્સ વચ્ચેની ભાગીદારીને ઉમેશ યાદવે તોડી હતી. જ્યારે બુમરાહે ઓસ્ટ્રેલિયાની ટીમના સુકાની પેનને આઉટ કર્યો.