રવિન્દ્ર જાડેજાએ નેશનલ ક્રિકેટ એકેડમીમાં ફિટનેસ ટેસ્ટ પાસ કર્યો છે. એવામાં ઓસ્ટ્રેલિયા સામેની પહેલી ટેસ્ટ મેચમાં જાડેજાનુ ભારતીય ટીમમાં જોડાવાનુ લગભગ નક્કી છે.
રવિન્દ્ર જાડેજાએ નેશનલ ક્રિકેટ એકેડમીમાં ફિટનેસ ટેસ્ટ પાસ કર્યો
ઓસ્ટ્રેલિયા સામેની પહેલી ટેસ્ટ મેચમાં જાડેજાનુ રમવુ લગભગ નક્કી
ભારત અને ઓસ્ટ્રેલિયા વચ્ચે પહેલી ટેસ્ટ મેચ 9 ફેબ્રુઆરીએ છે
રવિન્દ્ર જાડેજાએ ફિટનેસ ટેસ્ટ પાસ કર્યો
લાંબા સમયથી પોતાની ઈજાથી ઝઝૂમી રહેલા જાડેજા હવે એક વખત ફરીથી ભારતીય ટીમનો ભાગ બનશે. ભારત અને ઓસ્ટ્રેલિયા વચ્ચે પહેલી ટેસ્ટ મેચ 9 ફેબ્રુઆરીથી નાગપુરમાં રમાશે. આ મેચ માટે જાડેજાએ ફિટનેસ ટેસ્ટ પાસ કર્યો છે. ક્રિકબજના રિપોર્ટ મુજબ, નેશનલ ક્રિકેટ એકેડમીએ બુધવારે ભાગ લેવાની તેમની તૈયારી પર એક ફિટનેસ રિપોર્ટ જાહેર કર્યો. જેને કારણે જાડેજાને નાગપુરમાં ટીમના બાકી ખેલાડીઓ સાથે જોડાવાનો રોડમેપ સ્પષ્ટ થયો. જ્યાં ટીમ ટેસ્ટ અને સીરીઝની તૈયારીમાં નાનો કેમ્પ લગાવશે.
આની પહેલા રમાઈ હતી રણજી ટ્રોફીની મેચ
જાડેજાએ હાલમાં રણજી ટ્રોફીમાં સૌરાષ્ટ્ર તરફથી એક મેચ રમી હતી. તામિલનાડુ સામેની આ મેચમાં જાડેજાએ આશરે 42 ઓવર નાખી હતી. જેમાં તેમણે 7 વિકેટ લીધી હતી. હવે તેમણે નેશનલ ક્રિકેટ એકેડમીનો ફિટનેસ ટેસ્ટ પણ પાસ કર્યો છે. એવામાં બોર્ડર-ગાવસ્કર સીરીઝ પહેલા મેચમાં તેમનુ રમવુ લગભગ નક્કી છે.
એશિયા કપ 2022થી છે ક્રિકેટથી દૂર
જાડેજાએ ભારતીય ટીમ માટે પોતાની છેલ્લી મેચ 2022ના એશિયા કપમાં રમી હતી. ટુર્નામેન્ટ દરમ્યાન તેમના ઘૂંટણમાં ઈજા થઇ હતી, ત્યારબાદ તેમણે ક્રિકેટમાંથી પાંચ મહિના સુધી દૂર રહેવુ પડ્યુ. ત્યારબાદ તેઓ ઓસ્ટ્રેલિયામાં રમાયેલ ટી20 વર્લ્ડ કપ 2022 પણ નહોતા રમી શક્યા.