Ind vs Aus / ઓસ્ટ્રેલિયા 188 રન પર થઈ ઓલઆઉટ, ભારતીય બોલર્સે કાંગારું ટીમ પર ભારે પડ્યા

• કાંગારૂ ટીમ 35.4 ઓવરમાં 188 રનમાં સમેટાઈ ગઈ
• ઓસ્ટ્રેલિયાએ ભારત સામે 189 રનનો લક્ષ્યાંક બનાવ્યો
• હાર્દિક પંડ્યાએ ટોસ જીતીને પ્રથમ બોલિંગ કરવાનો નિર્ણય લીધો હતો

ભારતીય ટીમ અને ઓસ્ટ્રેલિયા વચ્ચે ત્રણ મેચની વનડે સીરીઝની પ્રથમ મેચ મુંબઈના વાનખેડે સ્ટેડિયમમાં રમાઈ રહી છે. રોહિત શર્માની ગેરહાજરીમાં કેપ્ટનશીપ સંભાળતા હાર્દિક પંડ્યાએ ટોસ જીતીને પ્રથમ બોલિંગ કરવાનો નિર્ણય લીધો હતો. વનડે સીરીઝની આ પહેલી મેચમાં રવીન્દ્ર જાડેજા અને કુલદીપ યાદવની પ્લેઈંગ ઈલેવનમાં વાપસી થઈ છે.

What a performance 🔥

India bowl out Australia for 188!#INDvAUS | 📝: https://t.co/V30MqMCC9U pic.twitter.com/9Aum5WN4sm

— ICC (@ICC) March 17, 2023

એવામાં પહેલા બેટિંગ કરતાં ઓસ્ટ્રેલિયાએ ભારત સામે 189 રનનો લક્ષ્યાંક બનાવ્યો છે. કાંગારૂ ટીમ 35.4 ઓવરમાં 188 રનમાં સમેટાઈ ગઈ હતી. મેચમાં એક સમય એવો હતો જ્યારે ઓસ્ટ્રેલિયાનો સ્કોર બે વિકેટે 129 રન હતો ત્યારબાદ ટીમે 59 રનમાં આઠ વિકેટ ગુમાવી દીધી હતી.

જોવામાં આવે તો ઓસ્ટ્રેલિયાએ તેની છેલ્લી પાંચ વિકેટ 19 રનમાં ગુમાવી દીધી હતી. મોહમ્મદ શમી અને મોહમ્મદ સિરાજે આમાં મહત્વની ભૂમિકા ભજવી હતી, જેમણે ત્રણ-ત્રણ વિકેટ ઝડપી હતી. ઓસ્ટ્રેલિયા તરફથી મિચેલ માર્શે સૌથી વધુ 81 અને જો ઈંગ્લિસે 26 રન બનાવ્યા હતા. ઓસ્ટ્રેલિયાના પાંચ બેટ્સમેન રન બનાવવામાં બે આંકડા સુધી પણ પહોંચી શક્યા ન હતા.