IND v NZ 3rd T20 / ...તો ટીમ ઇન્ડિયાનો આ પ્લેયર અમદાવાદમાં તોડી શકે છે કોહલીનો રેકોર્ડ, બસ કરવું પડશે આ કામ

• પોતાના નામે મોટી ઉપલબ્ધિ નોંધાવી શકે છે સૂર્યા 
• અમદાવાદમાં તોડી શકે છે કોહલીનો આ રેકોર્ડ 
• બસ તેના માટે સૂર્યાએ કરવું પડશે આ કામ 

ભારતીય ક્રિકેટ ટીમના બેટર સૂર્યકુમાર યાદવ ન્યૂઝીલેન્ડ વિરૂદ્ધ બીજી ટી20 મેચમાં અલગ અવતારમાં જોવા મળ્યા. સૂર્યાનો આ નવો અવતાર મેચ ફિનિશર વાળો રહ્યો. તેમણે પોતાની ફેમથી વિપરીત ખૂબ જ ધીમી ઈનિંગ રમી પરંતુ ટીમ ઈન્ડિયાને જીત અપાવીને તેમણે ટીમના બાકી ખેલાડીઓ માટે મિસાલ કાયમ કરી. સૂર્યા કીવી ટીમના ખેલાડી નિર્ણાયક ટી20માં પોતાના નામ મોટી ઉપલબ્ધિ નોંધાવી શકે છે. 

બેટ્સમેન સૂર્યકુમાર યાદવે ન્યૂઝીલેન્ડ વિરૂદ્ધ અત્યાર સુધી 7 ટી20 ઈન્ટરનેશનલ રમી છે. સૂર્યાએ તેમાં 151.16ના સ્ટ્રાઈક રેટથી 260 રન બનાવ્યા છે. તે કીવી ટીમ વિરૂદ્ધ ટી20માં સૌથી વધારે રન બનાવનાર બેટરની લિસ્ટમાં 10માં નંબર પર છે. 

બુધવારે રમાશે નિર્ણાયક મેચ 
ભારત અને ન્યૂઝીલેન્ડની વચ્ચે 3 મેચોની સીરિઝની ત્રીજી અને નિર્ણાયક ટી20 મેચ બુધવારે અમદાવાદના નરેન્દ્ર મોદી સ્ટેડિયમમાં રમાવવામાં આવશે. સૂર્યા આ મુકાબલામાં બે રન બનાવીને કીવી ટીમના દિગ્ગજ બેટર બ્રેંડન મેકુલમનો રેકોર્ડ તોડી શકે છે. મેકુલમે ભારત વિરૂદ્ધ ટી20માં કુલ 261 રન બનાવ્યા છે. 

તોડશે વિરાટ કોહલીનો રેકોર્ડ 
સૂર્યકુમાર યાદવ ત્રીજી ટી20માં 52 રનની ઈનિંગ રમીને ભારતીય ટીમના પૂર્વ કેપ્ટન વિરાટ કોહલીનો રેકોર્ડ તોડી શકે છે. વિરાટે કીવી ટીમ વિરૂદ્ધ ફટાફટ ક્રિકેટમાં 311 રન બનાવ્યા છે. 32 વર્ષીય સૂર્યકુમાર યાદવ 62 રનની ઈનિંગ રમીને કેએલ રાહુલ અને ટિમ સેઈફર્ટને પાછળ છોડી શકે છે. બંન્નેના એક સમાન 322 રન બને છે.

સૌથી વધારે રન બનાવવાનો રેકોર્ડ 
રોહિત શર્માના નામે ન્યૂઝીલેન્ડના વિરૂદ્ધ ટી20માં સૌથી વધારે રન બનાવવાનો રેકોર્ડ છે. રોહિતે કિવિ ટીમ વિરૂદ્ધ 511 રન બનાવ્યા છે જ્યારે કોલિન મુનરો 426 રન બનાવીને આ લિસ્ટમાં બીજા નંબર પર છે. 

સૂર્યકુમારના ટી20 ઈન્ટરનેશનલ કરિયરની વાત કરીએ તો તેમણે 47 મેચોમાં 3 શતકોના દમ પર 1651 રન બનાવ્યા છે. તેમાં 13 ફિફ્ટી પણ શામેલ છે. ન્યૂઝીલેન્ડ વિરૂદ્ધ ઈકાના સ્ટેડિયમની પિચ પર જ્યાં બેટર વિરૂદ્ધ રન બનાવવા મુશ્કેલ હતા ત્યાં જ સૂર્યાને કમાલ કરી છે. તેમણે 26 બોલમાં અણનમ 31 રમની મેચ વિનિંગ ઈનિંગ રમીને ખૂબ વાહવાહી લૂંટી.