વડોદરા / એમ.એસ.યુનિવર્સિટીની સુરક્ષામાં વધારો, નવું CCTV નેટવર્ક ઉભું કરાશે 

મહારાજા સયાજીરાવ યુનિવર્સિટીમાં વીપીને મળેલી ધમકી બાદ આ મામલે VCની અધ્યક્ષતામાં ફેકલ્ટી ડીન અને આચાર્યોની બેઠક મળી હતી. આ બેઠકમાં યુનિવર્સિટીમાં વિદ્યાર્થીઓની સુરક્ષાને લઈને ચર્ચા થઈ.  

મહત્વનુ છે કે, વડોદરાની એમએસ યુનિવર્સિટીમાં એસિડ એટેકની ધમકી મામલે પોલીસે આઠ લોકોની ધરપકડ કરી છે. એમએસ યુનિવર્સિટીની વીપી સલોની મિશ્રાને આરોપીઓ ઝુબેર પઠાણ સહિતનાં લોકોએ એસિડ એટેક કરવાની ધમકી આપી હતી. જે મામલે સલોની મિશ્રાએ ફરિયાદ કરતાં સયાજીગંજ પોલીસે ઝુબેર પઠાણ સહિત આઠ લોકોની ધરપકડ કરી હતી.

તમને જણાવી દઇએ કે, હોળીમાં યુનિવર્સિટીની હોસ્ટેલમાં થયેલ મારામારી મુદ્દે થયેલ રેગિંગની ફરિયાદ મામલે વીપી સલોની મિશ્રા હેડ ઓફિસ ખાતે રજૂઆત કરવા માટે ગઈ હતી. જ્યાં બીજા ગ્રૃપમાંથી આરોપી ઝુબેર પઠાણ સહિતનાં લોકોએ સલોનીને અભદ્ર ભાષામાં વાત કરી એસિડ એટેકની ધમકી આપી હતી.