જવાબદાર કોણ? / ગુજરાતમાં અકસ્માતની વધતી સંખ્યા, 24 કલાકમાં 3 મોટી ઘટનામાં 5 લોકોના મોત

• ગુજરાતમાં અકસ્માતોની સંખ્યા વધી રહી છે?
• હાઈ-વે અને સિટીમાં ઓવરસ્પિડમાં દોડી રહ્યા છે વાહન
• શું ગુજરાત ટ્રાફિક પોલીસને માત્ર ચલણ કાપવામાં રસ છે?

ગુજરાતમાં એક પછી એક અકસ્માતના ભયંકર કિસ્સાઓ સામે આવી રહ્યા છે. અને આ સાથે ટ્રાફિક પોલીસની કામગીરી પર પણ સવાલ ઉઠી રહ્યા છે. તો અમદાવાદના શિવરંજની હિટ એન્ડ રનની ઘટના બાદ ખેડાના નડિયાદ નજીક અમદાવાદ-વડોદરા એક્સપ્રેસ હાઇવે પર અકસ્માતમાં ત્રણ લોકોના મોત થયા છે. રોડ પર પાર્ક ટ્રકની પાછળ કાર ઘૂસી જતા અકસ્માત સર્જાયો હતો. ત્રણ લોકોના મોતની સાથે અન્ય 7 લોકો ઇજાગ્રસ્ત થયા છે. નડિયાદ હાઈ-વે અકસ્માતા 1 દિવસ અગાઉ શિવરંજની હિટ એન્ડ રનની ઘટના

અમદાવાદના શિવરંજનીમાં હિટ એન્ડ રનની ઘટના

અમદાવાદના શિવરંજનીના બિમાનગર નજીક મોડીળશ રાત્રે હિટ એન્ડ રનની ઘટના બની હતી. પૂરઝડપે દોડી આવેલી કારના ચાલકે ફૂટપાથ પર સૂતેલા ચાર લોકોને કચડ્યા હતા. અકસ્માત એટલો ગંભીર હતો કે સંતુબેન ભાભોર નામના મહિલાનું ઘટનાસ્થળે જ મૃત્યુ નિપજ્યું હતું. મહિલા પર પુરઝડપે આવતી કારના વ્હીલ ફરી વળતા ત્યાં જ મૃત્યુ નિપજ્યું હતું. તો તેમજ અન્ય 3 લોકોને ઈજાઓ પહોંચી હતી.

અમદાવાદની સાથે વડોદરામાં પણ હિટ એન્ડ રનની ઘટના સામે આવી છે. આઈસર ચાલકે બાઈક સવારને અડફેટે લીધો હતો. વડોદરાના રણોલી હાઇવે પર અકસ્માત સર્જાયો હતો. જેમાં બાઈક સવાર ASIનું મોત નિપજ્યું હતું. રોગ સાઇડમાં આવી રહેલી ટ્રકે બાઈક સવારને કચડ્યો હતો. સમા પોલીસ સ્ટેશનમાં ફરજ બજાવતા ASIનું નિધન થયું છે. અકસ્માતની ઘટનાના CCTV ફુટેજ પણ આવ્યા સામે.

ગૃહમંત્રીએ તપાસનું આપ્યું નિવેદન

અમદાવાદમાં હિટ એન્ડ રન મુદ્દે ગૃહ રાજ્યમંત્રી પ્રદીપસિંહે નિવેદન આપ્યું. તેઓએ કહ્યું કે પોલીસ અધિકારીઓ સાથે મારે ચર્ચા થઈ છે. ગાડીની માહિતીના આધારે પોલીસ કાર્યવાહી કરી રહી છે. પોલીસ સમગ્ર મામલે તપાસ કરી રહી છે. મહત્વનું છે કે આટલી મોટી ઘટનાઓ બાદ તપાસ થશે તે સામાન્ય છે. પણ કોઈની બેદરકારની સજા ફૂટપાટ પર સૂતા લોકોને મળે આ કેવી વ્યવસ્થા છે. અવાર નવાર ગુજરાતમાં લોકો ટ્રાફિક પોલીસની કામગીરી પર સવાલો ઉઠાવે છે. જો કાયદો છે તો તેનું કડક રીતે પાલન કરાવવું એ તમામ પોલીસની જવાબદારી છે. પણ અવાર-નવારની ઘટના પરથી લાગતું નથી.