તમારા કામનું / પોસ્ટની આ સ્કીમમાં વધી ડિપોઝિટ લિમિટ, એક વખત જમા કરો પૈસા, દર મહિને મળશે ગેરેન્ટેડ ઈન્કમ

• સિંગલ એકાઉન્ટ માટે લિમિટ 4.5 લાખ રૂપિયા વધીને 9 લાખ 
• જોઈન્ટ એકાઉન્ટ માટે લિમિટ 9 લાખ રૂપિયા વધીને 15 લાખ
• POMIS ફક્ત 1000 રૂપિયામાં ખોલી શકાશે એકાઉન્ટ 

નાણામંત્રી નિર્મલા સીતારમણે બુધવારે મોદી સરકારના બીજા કાર્યકાળનું છેલ્લુ પૂર્ણ બજેટ રજૂ કર્યું. કેન્દ્રીય બજેટમાં ઘણી મોટી જાહેરાતો કરવામાં આવી છે. બજેટમાં નાણામંત્રીએ પોસ્ટ ઓફિસ મંથલી ઈનકમ સ્કીમની ડિપોઝિટ લિમિટને વધારવાની જાહેરાત કરી છે. 

પોસ્ટ ઓફિસની આ સ્કીમમાં નવી લિમિટ સિંગલ એકાઉન્ટ માટે 4.5 લાખ રૂપિયા વધીને 9 લાખ રૂપિયા અને જોઈન્ટ એકાઉન્ટ માટે 9 લાખ રૂપિયા વધીને 15 લાખ રૂપિયા કરી દેવામાં આવી છે. હવે પોસ્ટ ઓફિસ મંથલી ઈનકમ સ્કીમમાં તમે સિંગલ એકાઉન્ટમાં 9 લાખ રૂપિયા અને જોઈન્ટ એકાઉન્ટમાં 15 લાખ રૂપિયા સુધીનું રોકાણ કરી શકો છો. 

દર મહિને કમાણીનો અવસર 
જણાવી દઈએ કે જો રેગ્યુલર ઈનકમનું ઓપ્શન જોઈએ છે તો તમારા માટે પોસ્ટ ઓફિસની મંથલી ઈનકમ સ્કીમ એક સારો વિકલ્પ બની શકે છે. આ સ્કીમમાં રોકાણકારોને એક વખત પૈસા જમા કરવાના રહેશે અને દર મહિને કમાણીનો મોકો મળે છે. 

5 વર્ષની છે આ સ્કીમ 
પોસ્ટ ઓફિસની આ સ્કીમ હોવાના કારણે તમારા પૈસા પણ સુરક્ષિત રહે છે. આ સ્કીમ 5 વર્ષની છે. જેને આગળ પણ 5-5 વર્ષ માટે વધારવામાં આવી શકે છે. 

ફક્ત 1000 રૂપિયામાં ખુલી જશે એકાઉન્ટ 
પોસ્ટ ઓફિસ મંથલી ઈનકમ સ્કીમમાં કોઈ પણ ભારતીય નાગરિક રોકાણ કરી શકે છે. પોસ્ટ ઓપિસ મંથલી ઈનકમ સ્કીમ હેઠળ ફક્ત 1000 રૂપિયામાં એકાઉન્ટ ખોલી શકાય છે. 18 વર્ષની ઉંમર પુરી કરી ચુકેલો કોઈ પણ વ્યક્તિ એકાઉન્ટ ખોલાવી શકે છે. પોસ્ટ ઓફિસ એમઆઈએસમાં સિંગલ અને જોઈન્ટ બંન્ને પ્રકારના એકાઉન્ટ ખોલાવવા સુરક્ષિત છે. 

1 વર્ષ પહેલા પોતાની જમા રકમ કાઢી નહીં શકો 
આ એકાઉન્ટને ખોલવાની એક શરત એ છે કે તમે 1 વર્ષ પેહલા પોતાની જમા રકમ કાઢી નહીં શકો. ત્યાં જ જો તમે મેચ્યોરિટી પીરિયડ પુરો થતા પહેલા એટલે કે 3થી 5 વર્ષની વચ્ચે ઉપાડો છો તો મૂળધનમાંથી 1 ટકાની રકમ કાપીને પરત કરી કરવામાં આવશે. ત્યાં જ મેચ્યોરિટી પીરિયડ પુરો થવા પર પૈસા ઉપાડવા હોય તો સ્કીમના બધા ફાયદા મળશે.