કોરોનાની ત્રીજી લહેરનું સંકટ વધી રહ્યું છે. બાળકોમાં સંક્રમણની સ્પીડ હવે ઝડપથી વધી રહી છે.
બાળકોમાં સંક્રમણની સ્પીડ હવે ઝડપથી વધી
15 વર્ષથી ઓછી ઉંમરના બાળકોનું રસીકરણ શરુ કરી દેવામાં આવ્યું
51.4 ટકા સંક્રમિતોમાં 19 વર્ષથી ઓછી ઉંમરના બાળકો સામેલ
બાળકોમાં સંક્રમણની સ્પીડ હવે ઝડપથી વધી
કોરોનાની ત્રીજી લહેરને લઈને જેમ અંદાજો લગાવવામાં આવી રહ્યો છે. તેમ હવે દુનિયાભરના દેશોમાં પણ જોવા મળી રહ્યું છે. કોરોનાની રસી લગાવ્યા બાદ 18 વર્ષથી વધારે ઉંમરના લોકોમાં તો કોરોનાનું સંકટ ઓછું છે પરંતુ બાળકોમાં સંક્રમણની સ્પીડ હવે ઝડપથી વધી રહી છે. હાલમાં જ આવેલા એક રિપોર્ટ મુજબ જે દેશોમાં વયસ્કોમાં ઝડપથી રસીકરણ થઈ રહ્યું છે ત્યાં કોરોનાગ્રસ્ત બાળકોની સંખ્યા વધી રહી છે. રિપોર્ટને જોતા વિશેષજ્ઞોએ સલાહ આપી છે કે તમામ દેશોએ જલ્દીથી જલ્દી બાળકોના રસીકરણની શરુઆત કરી દેવી જોઈએ.
50 ટકાથી વધારે સંક્રમિતોમાં 19 વર્ષ અથવા તેનાથી પણ ઓેછી ઉંમરના બાળકો સામેલ
નેચરમાં પ્રકાશિત સમાચાર મુજબ ઈઝરાયલમાં સૌથી વધારે 85 ટકા લોકોને રસી લગાવવામાં આવી છે. તેવામાં તેઓ કોરોનાના વધતા મામલા પર નજર દોડાવીએ તો 50 ટકાથી વધારે સંક્રમિતોમાં 19 વર્ષ અથવા તેનાથી પણ ઓેછી ઉંમરના બાળકો સામેલ છે. રિપોર્ટ મુજબ જેમ જેમ વધારે ઉંમરના લોકો રસી લઈ પોતાને સુરક્ષિત કરી રહ્યા છે . તેમ તેમ બાળકોમાં કારોનાના સંક્રમણનો ખતરો વધી રહ્યો છે.
15 વર્ષથી ઓછી ઉંમરના બાળકોનું રસીકરણ શરુ કરી દેવામાં આવ્યું
રિપોર્ટ અનુસાર આવી તસ્વીરો અમેરિકા અને બ્રિટનમાં જોવા મળી રહી છે. ઈઝરાયલ અને અમેરિકા જેવા દેશોમાં બાળકોમાં કોરોના સંક્રમણની સ્પીડ જોતા 15 વર્ષથી ઓછી ઉંમરના બાળકોનું રસીકરણ શરુ કરી દેવામાં આવ્યું છે. ઉલ્લેખનીય છે કે ઈઝરાઈલમાં જૂન મહિનામાં દરરોજ લગભગ 10થી 12 મામલા આવતા હતા. જે સંખ્યા અત્યારે 100થી વધારે છે.
51.4 ટકા સંક્રમિતોમાં 19 વર્ષથી ઓછી ઉંમરના બાળકો સામેલ
ઈઝરાયલના સ્વાસ્થ્ય વિભાગ મુજબ 5 જુલાઈથી દેશમાં આવેલા કોરોના સંક્રમણના મામલામાં 11.8 ટકા મામલા 0-9 વર્ષના બાળકોમાં જોવા મળ્યા છે. જ્યારે 10-19 વર્ષની ઉંમરના 39.6 ટકા બાળકો કોરોના સંક્રમિત થયા છે. આંકડા પર ધ્યાન કરીએ તો 51. 4 ટકા સંક્રમિતોમાં 19 વર્ષથી ઓછી ઉંમરના બાળકો સામેલ છે. યુનિવર્સિટી ઓફ કેલિફોનિયા બર્કલેના વિશેષજ્ઞ જોસુઆ ગોલ્ડસ્ટેનનું કહેવું છે કે તમામ દેશોમાં જલ્દીથી જલ્દી બાળકોનું રસીકરણ અભિયાન વિશે વિચારવું જોઈએ. તેમણે કહ્યું કે જે વાતનો ડર હતો. તેવા જ સંકેત મળવાનું શરુ થઈ ગયું છે. બાળકોમાં કોરોનાનું સંકટ સતત વધી રહ્યું છે.