ચમકારો / ગુજરાતમાં લઘુતમ તાપમાનનો પારો ગગડ્યો, નલીયા બન્યું ઠંડુગાર,જાણો કેમ પડે છે અહીં સૌથી વધુ ઠંડી  

• રાજ્યમાં લઘુતમ તાપમાનનો પારો ગગડ્યો
• સવારે ઠંડી અને બપોરે ગરમીનો અહેસાસ
• નલિયા 12.8 લઘુતમ તાપમાન નોંધાયું

ગુજરાતમાં વહેલી સવારથી ફુલ ગુલાબી ઠંડીનો અહેસાસ થઈ રહ્યો છે. .રાજ્યમાં લઘુતમ તાપમાનનો પારો નીચે ગગડતા હવે દિવસે દિવસે ઠંડીનું પ્રમાણ વધી રહ્યું છે.. ઠંડીથી બચવા લોકો ગરમ કપડા, તાપણાનો સહારો પણ લેતા નજરે પડે છે તો શહેરોમાં કેટલાક લોકો વહેલી સવારનો આલ્હાદક આનંદ લેવા મોર્નિગ વોક પર જતા પણ નજરે પડી રહ્યા છે.. ઉત્તર પૂર્વીય પવનોની દિશા બદલાતા હાલ ગુજરાતમાં મોટા ભાગના વિસ્તારોમાં બેવડી ઋતુનો અનુભવ થઈ રહ્યો છે.. સવારે ઠંડી તો બપોરે ગરમીનો અહેસાસ થઈ રહ્યો છે..આજે સવારે અમદાવાદનું તાપમાન 16.5 ડીગ્રી નોંધાયું તો ગાંધીનગરમાં લઘુતમ તાપમાન 14 ડીગ્રી નોંધાયું જ્યારે નલિયામાં 12.8 જેટલો ઠંડીનો પારો ગગડતા રાજ્યનું સૌથી ઠંડીગાર શહેર બન્યું હતું...

નલિયા 12.8 લઘુતમ તાપમાન નોંધાયું

સામાન્યપણે શિયાળામાં ઉત્તર ભારતના વિસ્તારમાં ઠંડી બહુ પડે છે. ગુજરાતમાં એક ચોક્કસ પ્રમાણની આજુબાજુ ઠંડુ વાતાવરણ હોય છે પણ આપણા ગુજરાતના જ કચ્છના નલિયામાં સમગ્ર ગુજરાત કરતા વધું ઠંડી કેમ પડે છે? કચ્છનો ભૌગોલિક વિસ્તાર બીજા જિલ્લા કરતા અલગ હોવાથી ઠંડી અને ગરમી કે ધૂમમ્સ વધુ જોવા મળે છે. કચ્છના હવામાનમાં તરત બદલાવ આવે છે.

રણ વિસ્તાર ખલ્લો હોવાથી પવન વધારે ઠંડા ફૂંકાય છે

ક્ચ્છ ગુજરાતના ચોથા ભાગ ધરાવતો વિસ્તાર છે એટલેકે 45 652 સ્કેવર કિલોમીટરમાં પથરાયેલો છે જે ભારતના સાત રાજ્યો કરતા ક્ચ્છ મોટું છે કચ્છની વિશિષ્ટતા એ છે નાનું અને મોટું રણ ધરાવે છે ઉપરાંત બન્નીનું ઘાસીયું મેદાન જેનો પ્રદેશ ક્ચ્છ વધારે મોટો એટલેકે 30 હજાર સ્કવેર કિલોમીટર માં છે. આ પ્રદેશ એકદમ ખુલ્લો છે જે ઉત્તર દિશામાં આવેલો છે એટલે જમ્મુ કાશ્મીરમાં અને હિમાચલ પ્રદેશમાં વેસ્ટર્ન ડિસ્ટર્નને લીધે થતી હિમવર્ષા ની સીધી અસર જોવા મળે છે ઉત્તર દિશાના પવનો રણ વિસ્તારને વધારે અસર  કરે છે જલ્દી ઠંડી પકડી લે છે રણ વિસ્તાર ખલ્લો હોવાથી પવન વધારે ઠંડા ફૂંકાય છે. એટલે ક્ચ્છ વિસ્તારમાં વધારે ઠંડી અનુભવાય છે. આ ઉપરાંત નલિયાનો વિસ્તાર કચ્છનો વધારે ખુલ્લો વિસ્તાર છે અને ત્યાં ભૌગોલિક વિસ્તાર કચ્છમાં પણ અલગ પડે છે. નલિયામાં રાજ્યનું વધારે ઠંડીનું તાપમાન નિચે જાય છે.

ઉનાળામાં ગરમી પણ વધુ પડે છે

એટલુંજ નહીં ક્ચ્છ રણ વિસ્તાર હોવાથી ઉનાળામાં પણ વધારે ગરમી કચ્છમાં અનુભવાય છે. આમ ગરમી હોયકે ઠંડી કચ્છમાં તેની તાપમાન રાજ્યમાં સૌથી વધારે રહેતું હોય છે. એટલે કચ્છનું વાતાવરણ બહુજ અલગ જોવા મળી રહ્યું છે. હિન્દુકુશ પર્વતમાળા માંથી અતિશય ઠંડા અને સૂકા પવનોનો દક્ષિણ તરફ પ્રવાહ આવે છે તેમના માર્ગ માં ક્યાં તેમને માટે અડચણ બની ને રોકી શકે તેવી પર્વતમાળા નથી તેથી તે પ્રવાહ છેક ભારતના કચ્છ સુધી પહોંચે છે.જેને કારણે ખંભાતના અખાતની  નજીક નલિયા તેમજ આજુબાજુના રણ વિસ્તારના ગામોમાં ઠંડી કેર વર્તાવે છે,પછી ભલે ને તે વિસ્તાર દરિયાકાંઠાથી નજીક નો હોય પણ શિયાળામાં વાતાવરણ અન્ય દરિયાકાંઠાના વિસ્તારોની માફક શિયાળામાં થોડું હૂંફાળું રહેવાને બદલે વધુ કાતિલ ઠંડુ બને છે.

નલિયામાં ગોઠવાયું છે થર્મોમીટર    

સમાચાર અને દૈનિકોમાં નલિયા નું જ તાપમાન સહુ થી નીચું રહે છે તેમ બતાવવામાં આવે છે પરંતુ ખરેખર તાપમાન માપતું થર્મોમીટર નલિયા માં જ ગોઠવેલું છે આજુબાજુ ના વિસ્તારો માં થર્મોમીટર ગોઠવાયેલ નથી. જેથી આપણને નલિયાનું જ તાપમાન મળે છે. અન્ય વિસ્તારોનું નહી. માટે શક્ય છે આજુબાજુ ના અન્ય વિસ્તારોમાં હજુ પણ નલિયા કરતા પણ તાપમાન હજુ પણ નીચું હોઈ શકે છે.