VTV પહોંચ્યું કશ્મીર / 370 હટ્યા બાદ સ્વર્ગમાં શાંતિ: દાલ લેકમાં પ્રવાસન ખીલ્યું, બોટ હાઉસ લઈને હોટેલો હાઉસ ફૂલ 

• સ્વર્ગમાં ખીલ્યું પ્રવાસન
• VTV  પહોંચ્યું કશ્મીર
• પ્રવાસનનો સોનેરી સુરજ 

આજે ધરતી પરના સ્વગની સફર આપને કરાવવી છે.  ધરતી પરનું સ્વર્ગ એટલે સમજીજ ગયો હશો કે, જમ્મૂ-કશ્મીરની વાત કરી રહ્યા છીએ.  ગુજરાત અને દેશના અન્ય રાજ્યોમાં જ્યારે ગરમી પડી રહી છે.  તેવા સમયમાં આ તરફ જમ્મૂ-કશ્મીરમાં પ્રવાસન ખીલ્યું છે.  હજારોની સંખ્યામાં પ્રવાસીઓ હવે જમ્મૂ-કશ્મીરનો પ્રવાસ કરી રહ્યા છે.  ત્યારે કેવી છે સ્વર્ગમાં ખિલેલા પ્રવાસનની ઝલક આવો જોઈએ.  

370 હટ્યા બાદ સ્વર્ગમાં શાંતિ 
જમ્મૂ-કશ્મીરમાં આર્ટિકલ 370 હટાવ્યા પછીના પાંચ મહિના સુધી કર્ફ્યૂ રહ્યું અને ત્યારબાદ કોરોનાએ દસ્તક દીધી જેથી સતત કશ્મીરમાં મંદીનો માહોલ જોવા મળ્યો હતો. પરંતુ હવે ધીમેં ધીમે કશ્મીરમાં પ્રવાસીઓ વધી રહ્યા છે.  અને જમ્મૂ-કશ્મીરના લોકો પણ પ્રવાસીઓને આવકારવા માટે આતુર છે.  ખાસ કરીને શ્રીનગરનો દાલ લેક કશ્મીરનું સ્વર્ગ માનવામાં આવે છે.  અને અહીં લેકમાં હરતું ફરતું પ્રવાસન વિકસ્યું છે.  અહીં બોટમાં રાત્રી રોકાણ, બોટમાં ખરીદી, બોટમાં ATM સહિતની સુવિધાઓ તો મળે જ છે.  પરંતુ તેની સાથે-સાથે દાલ લેકમાં હવે તરતું થીએટર પણ શરુ કરવામાં આવ્યું છે. દાલ લેકની હાઉસ બોટમાં રહેવાનો તો લોકો આનંદ માણી રહ્યા જ છે.  પરંતુ તેની સાથે સાથે આ સુંદર સ્વર્ગની યાદોને પણ પોતાના હૃદયમાં કેદ કરી રહ્યા છે. 

દેશ-વિદેશના પ્રવાસીઓનો ધસારો 
કોરોનાનું સંકટ ટળતા જ જમ્મૂ-કશ્મીરમાં એટલા પ્રમાણમાં પ્રવાસન ખિલ્યું છે કે, બોટ હાઉસ અને હોટેલો પણ હાઉસ ફૂલ છે.  પહેલા જેટલા પ્રમાણમાં પ્રવાસીઓ જમ્મૂ-કશ્મીરમાં ફરવા માટે ઉમટતા હતા.  તેના કરતા આ વર્ષે ત્રણ ગણી સંખ્યામાં પ્રવાસીઓ ઉમટ્યા છે.  જેના કારણે સ્થાનિક લોકો પણ સારીએવી કમાણી કરી રહ્યા છે.  

બોટ હાઉસ લઈને હોટેલો હાઉસ ફૂલ 
કશ્મીરમાં દાલ લેકની સાથે-સાથે ઘણી વસ્તુઓ ફેમસ છે.  અને તેમાં પણ દાલ લેકમાં ફરતા-ફરતા તમે કાવો ન પીધો તો.  તો.  તમારો પ્રવાસ જ અધુરો ગણાય.સ્વર્ગમાં ફરવાનો અહેસાસ કેવો હોય છે.  અને અહીં આવેલા લોકો કેવી મજા માણી રહ્યા છે.  આવો જરા તેમના મુખેથી જ સાંભળીએ.  હાલ ઉનાળો ચાલી રહ્યો છે.  તેવામાં ગરમીની આ સિઝનમાં લોકો પહાળો પર અને બર્ફિલા પ્રદેશોમાં ફરવા જવાનું પસંદ કરતા હોય છે.  તેમાં પણ ખાસ કરીને ગુજરાતીઓ કશ્મીર ફરવા જવાનું ખુબ પસંદ કરે છે.  અને હાલ જમ્મૂ-કશ્મીરમાં તેની અસર પણ જોવા મળી રહી છે.  જો તમે પણ ફરવા જવાનું વિચારી રહ્યા હોય તો આ સમય ઉત્તમ છે.