ગુજરાતમાં વરસાદ પાછો ખેંચાતા ખેડૂતો ચિંતિત બન્યા, હવામાન વિભાગના જણાવ્યા અનુસાર હાલ કોઈએ એવી સિસ્ટમ સક્રિય થઈ નથી જેથી રાજ્યમાં વરસાદનું અનુમાન લગાવી શકાય
હાલમાં રાજ્યમાં કોઈ સિસ્ટમ નથી સક્રીય
રાજ્યમાં 5 દિવસ વરસાદની નહીવત સંભાવના
દક્ષિણ ગુજરાતમાં છૂટા છવાયા વરસાદની શક્યતા
ગુજરાતમાં વરસાદ પાછો ખેંચાતા ખેડૂતો ચિંતિત બન્યા છે. હવામાન વિભાગના જણાવ્યા અનુસાર હાલ કોઈએ એવી સિસ્ટમ સક્રિય થઈ નથી જેથી રાજ્યમાં વરસાદનું અનુમાન લગાવી શકાય, આમ એકાએક વરસાદ પાછો ખેંચાઈ જવા હવે ખેડૂતો પોતાના પાકને લઈ ચિંતા વ્યક્ત કરી રહ્યા છે.
રાજ્યમાં 5 દિવસ વરસાદની નહીવત સંભાવના
હવામાન વિભાગનું માનવામાં આવે તો ઓગસ્ટના પ્રથમ સપ્તાહ સુધીમાં રાજ્યમાં 51.63 ટકા વરસાદ પડી ચુક્યો છે. જયારે સિઝનનો કુલ વરસાદ 36.17 ટકા જેટલો જ નોંધાયો છે. આમ રાજ્યમાં ફરી વરસાદ પાછો ખેંચાઈ જતા ખરીફ પાકને નુક્સાન જવાની ભિતિ સેવાઈ રહી છે.
હવામાન વિભાગે આગાહી કરતા જણાવ્યું છે કે હાલ રાજ્યમાં વરસાદની શક્યતા નહીંવત દેખાઈ રહી છે. જો કે દક્ષિણ સહિત ગુજરાતના કેટલાક ભાગોમાં છુટો છવાયો વરસાદ પડી શકે છે તેવું હવામાન વિભાગે જણાવ્યું છે. તેમજ આગામી પાંચ દિવસ સુધી વરસાદની સંભાવનાઓ પર રોક લગાવતા હવામાન વિભાગે રાજ્યમાં ગરમીનું પ્રમાણ વધશે તવો પણ નિર્દેશ કર્યો છે.
વરસાદને લઈ હવામાન વિભાગની આગાહી
રાજ્યમાં હવામાન વિભાગે વરસાદને લઈ આગાહી કરતા જણાવ્યું છે કે આગામી પાંચ દિવસ સુધી રાજ્યમાં વરસાદની સંભાવનાઓ નહીંવત જોવા મળી રહી છે હવામાન વિભાગે એમ પણ જણાવ્યું કે હજુ પણ ગુજરાતમાં જરૂર મુજબ વરસાદ પડ્યો નથી રાજ્યમાં હજુ 44 ટકા વરસાદની ઘટ જોવા મળી રહી છે. જુલાઈના અંતિમ સપ્તાહ બાદ વરસાદે લાંબો વિરામ લીધો છે જેને લઈ હવે ખેડૂતો પણ ચિંતામાં મુકાઈ ગયા છે. ત્યારે હવામાનની વિભાગની આગાહી સામે આવતા ખેડૂતોમાં ચિંતાનું મોજુ ફરી વળ્યું છે.
ઓગસ્ટ માસ પ્રમાણે 44 ટકા વરસાદની ઘટ
મહત્વનું છે કે રાજ્યમાં સીઝનનો જોઈએ એટલો વરસાદ પડયો નથી, સામાન્ય રીતે ઓગસ્ટના પ્રથમ સપ્તાહ સુધીમાં 450 મીમી વરસાદ થઈ જવો જોઈએ પરતું હજુ માત્ર સિઝનનો 253 મીમી વરસાદ નોંધાતા ખેડૂતો ચિંતિત બન્યા છે, કેમ કે હવામાન વિભાગે આગામી પાંચ દિવસ સુધી વરસાદની સંભાવનાઓ પર રોક લગાવી દીધી છે. તેમજ આગામી સમયમાં ગરમીનું પ્રમાણ વધશે તેવું હવામાન વિભાગે અણસાર આપ્યો છે,જો કે હવામાને દક્ષિણ ગુજરાત અને તેની આસપાસના પથંકમાં સામાન્ય વરસાદની આગાહી કરી છે.
ઓગસ્ટના અંતમાં વરસાદી સિસ્ટમ થશે સક્રિય
મહત્વનું છે કે ઓગસ્ટના અંત સુધીમાં વરસાદી સિસ્ટમ સક્રિય થઈ શકે તેવું હવામાન વિભાગે જણાવ્યું છે તે બાદ ગુજરાતની શક્યાતા જોવા મળી શકે છે. હવામાન વિભાગે કરેલી આગાહી બાદ રાજ્યના ખેડૂતોમાં ચિંતાનું મોજુ ફરી વળ્યું છે, ખેતીની સિઝનમાં ખેડૂતોને સિંચાઈ માટે પૂરતું પાણી ન મળી શકતા હવે તેમને તૈયાર થયેલો પાક બગડે નહીં તેની ચિંતા સતાવી રહી છે.