રાજ્યમાં ક્રાઇમની ઘટનાઓમાં થયો વધારો 24 કલાકમાં થઇ 3 હત્યા

વડોદરાઃ રાજ્યમાં ક્રાઈમના ગુનાઓનો વધારો થયો છે. છેલ્લા 24 કલાકમાં રાજ્યમાં 3 હત્યાઓ થઈ છે. અલગ અલગ રાજ્યમાં હત્યાઓ થઈ છે. વડોદરાના તાંદલજામાં વાહન પાર્ક કરવા જેવી સામાન્ય બાબતે યુવકની હત્યા કરવામાં આવી છે. આમીર કોમ્પલેક્ષ નજીક યુવકને ઝીંકાયા છરીના ઘા જીકીને મોતને ઘાટ ઉતારી દેવામાં આવ્યો હતો.

તો બીજી તરફ બોટાદની સબિહા હોસ્પિટલ પાસે છરીના ઘા મારી ત્રણ શખ્સો દ્વારા એક યુવક હત્યા નિપજાવવામાં આવી છે. પ્રેમ સબંધને લઇને યુવકની હત્યા કરવામાં આવી હોવાનું પ્રાથમિક તારણ સામે આવ્યું.

આ ઉપરાંત વલસાડના અટક પારડી વિસ્તારમાંથી એક મકાનમાંથી પતિ પત્નીની હત્યા કરેલી હાલતમાં મૃતદેહ મળી આવ્યા છે. ઘરના આંગણમાંથી કિરણભાઈ પટેલ અને જાગૃતિ પટેલનો મૃતદેહ મળી આવ્યો હતો. જૂની અદાવતમાં હત્યા કરવામાં આવી હોય તેવી શક્યતા છે. આ ઘટનાની જાણ થતા પોલીસના અધિકારીઓ ઘટના સ્થળે દોડી આવ્યા હતા. ત્યારે હવે પોલીસે ગુનો નોંધી તપાસ શરૂ કરી છે.