દિલ્હી, મહારાષ્ટ્ર અને ગુજરાત સહિત દેશભરમાં કોરોના કેસોમાં વધારો આવતા મેડિકલ જગતમાં પણ હડકંપ મચી જેવા પામ્યો છે. ત્યારે દુનિયાભરમા પણ કોરોનાના 24 કલાકમાં 66,000 કેસ સામે આવ્યા છે.
કોરોનાને પગલે વિશ્વમા ચિંતાજનક સ્થિતિ
કોરોના કેસમાં વધારાને પગલે નવી લહેરના ભણકારા
દુનિયાભરમાં 66,000 કોરોના પોઝીટીવ કેસ આવ્યા સામે
માંડ શાંત પડેલો કોરોના ફરી ભુરાયો થઈ રહ્યો હોય તેવું કોરોનાના પોઝિટિવ આંકડા પરથી લાગી રહ્યું છે. ભારતના અનેક રાજ્યોમાં કોરોનાના પોઝિટિવ કેસોની સંખ્યામાં ચિંતાજનક ઉછાળો આવી રહ્યો છે. જેને લઇને દિલ્હી, મહારાષ્ટ્ર અને ગુજરાત સહિત દેશના અનેક શહેરોમાં કોરોના કેસોમાં વધારો આવતા મેડિકલ જગતમાં પણ હડકંપ મચી જેવા પામ્યો છે અને આરોગ્ય તંત્રમા પણ ચિંતાનું મોજું ફરી વળ્યું છે. તો વિશ્વ લેવલે કોરોનાના કેસોની વાત કરવામાં આવે તો કોરોનાના 24 કલાકમાં દુનિયાભરમાં 66,000 કેસ સામે આવ્યા છે.
રાજસ્થાન અને દિલ્હી તો કોરોનાના બોમ્બ
કોરોનાની આવી ચિંતાજનક સ્થિતિ વચ્ચે જાણે રાજસ્થાન અને દિલ્હી તો કોરોનાના બોમ્બ પર બેઠું હોય તેમ 72 નવા કેસ સામે આવ્યા છે. જે સાથે જ પોઝિટિવિટીનો રેશિયો 3.95 ટકા વધી ગયો છે. સ્વાસ્થ્ય વિભાગના જણાવ્યા અનુસાર દિલ્હીમાં એચથ્રીએનટુ વાઇરસની સાથે કોરોનાના કેસો અને વધી રહ્યા છે. દિલ્હીમાં શનિવારે કોરોનાના કેરની પોઝિટિવિટીનો આંક 3.52 ટકા નોંધાયો હતો. જે શુક્રવારએ 3.13 ટકા નોંધાયો હતો.
મહારાષ્ટ્રમાં કોરોનાના કેસોમાં ચિંતાજનક સ્થિતિ
મહારાષ્ટ્રમાં પણ કોરોનાના કેસોમાં ચિંતાજનક રીતે વધારો જોવા મળી રહ્યો છે. જેથી આરોગ્ય તંત્રમાં દોડધામ મચી જવા પામી છે. મહારાષ્ટ્રમાં રવિવારે કોરોનાને 236 નવા દર્દીઓ સામે આવ્યા હતા જેમાં 52 દર્દીઓ માત્ર મુંબઈમાંથી જે નોંધાયા હતા. આ ઉપરાંત થાણેના 33 દર્દીઓ અને મુંબઈ સર્કલના 109 ઉપરાંત એના 69 અને નાસિકના 21 તેમજ કોલ્હાપુર અને અકોલામાં 13-13 કેસ નોંધાતા આરોગ્યતંત્ર દોડતું થયું છે. જેની સાથે જ રાજ્યના અત્યાર સુધીના કોરોના આંકડામાં વધારો થઈ અને 81,39,737 થયા છે. જોકો કોરોનાના વધતા કેસ પાછળ કોરોના19 XBB જવાબદાર હોવાનું આરોગ્ય તંત્રના નિષ્ણાંતો માની રહ્યા છે.