જો તમે તમારા ઈન્કમટેક્સ રીટર્નને ફાઈલ કરવાની તૈયારી કરી રહ્યા છો તો હવે તમારે ધ્યાન રાખવાનું રહેશે કે ફોર્મ 26AS તમારા માટે એક મહત્વનું ફોર્મ છે. તેમાં સરકારે 1 જૂનથી ફેરફાર લાગૂ કર્યા છે. હવે તમારે આ વાતનું ધ્યાન રાખવાનું રહેશે.
1 જૂનથી ઈન્કમટેક્સને લઈને આવશે આ ફેરફાર
26AS ફોર્મમાં આવી રહ્યો છે ફેરફાર
હવે પાન નંબરની મદદથી પણ મળશે ટ્રાન્ઝેક્શનની જાણકારી
સીબીડીટી એટલે કે કેન્દ્રીય પ્રત્યક્ષ કર બોર્ડે ફોર્મ 26AS નવા સંશોધન સાથે અધિસૂચિત કર્યા છે. આ તમારું વાર્ષિક સ્ટેટમેન્ટ છે. તમે તમારા પાન નંબરની મદદથી તેને ઈન્કમટેક્સ વિભાગની વેબસાઈટથી કાઢી શકો છો. જો તમે તમારી આવક પર ટેક્સ ચૂકવ્યો છે તો તમારી કમાણી પર કોઈ વ્યક્તિ / સંસ્થાએ ટેક્સ કાપ્યો છે તો તેનો ઉલ્લેખ પણ ફોર્મ 26ASમાં મળે છે. આ ફોર્મ 1 જૂન 2020થી લાગૂ થશે.
જાણો શું છે ફોર્મ 26AS
ફોર્મ 26ASમાં ન ફક્ત તમને સરકારને આપેલી રકમની માહિતી મળે છે. પરંતુ જો તમે વધારે ટેક્સ ચૂકવ્યો છે તો તમને તેનું રિફંજ પણ મળી શકે છે. તમે કોઈ પણ નાણાંકીય વર્ષમાં આયકર રિફંડ મળ્યું છે તો તેમાં તેનું વિવરણ હોય છે. કર્મચારી તરીકે તમારે સમયાંતરે ટ્રેસેઝની વેબસાઈટ પર ફોર્મ 26AS ચેક કરવાનું રહે છે. જો તમારા TDSથી પાન કાર્ડ નંબર જોડાયેલો છે તો તમે આ વેબસાઈટ પર ટેક્સ ક્રેડિટ સ્ટેટમેન્ટ જોઈ શકો છો. ટ્રેસેસની વેબસાઈટ પર આ સુવિધા ફ્રીમાં મળશે.
હવે શું આવ્યો છે ફેરફાર
સેન્ટ્રલ બોર્ડ ઓફ ડાયરેક્ટ ટેક્સ (સીબીડીટી) એ સુધારેલા ફોર્મ 26AS ને જાહેર કર્યું છે. હવે સંપત્તિ અને શેરના વ્યવહારોની માહિતી પણ આ ફોર્મમાં સામેલ કરવામાં આવી છે. આ સાથે, ફોર્મ 26AS ને એક નવું સ્વરૂપ આપવામાં આવ્યું છે. આમાં ટીડીએસ- ટીસીએસની વિગતો સિવાય કેટલાક નાણાકીય વ્યવહારો, કરની ચુકવણી, કરદાતા દ્વારા નાણાકીય વર્ષમાં માંગ-રિફંડ સંબંધિત બાકી અથવા પૂર્ણ પ્રક્રિયાની વિગતો સામેલ છે. આવકવેરા રીટર્નમાં આની વિગતો આપવાની રહેશે. તેના અમલીકરણ માટે બજેટ 2020-21માં એક નવી કલમ 285 બીબીને આવકવેરા કાયદામાં સામેલ કરવામાં આવી હતી. સીબીડીટીએ કહ્યું કે સુધારેલા 26 એએસ ફોર્મ 1 જૂનથી લાગુ થશે.
ઈન્કમટેક્સ વિભાગની વેબસાઈટ પરથી કરી શકાશે ફોર્મ ડાઉનલોડ
એક્સપર્ટ્સનું માનવું છે કે ઈન્કમટેક્સ રિટર્ન ફાઈલ કરવાની પ્રક્રિયા શરૂ કરતાં પહેલાં તમારે ફોર્મ 26AS, ફોર્મ 16 અને ફોર્મ 16એ ધ્યાનથી ચેક કરવાની જરૂર છે. જ્યારે બધુ બરોબર હોય ત્યારે જ ટેક્સ રિટર્ન ફાઈલ કરો. આ ફોર્મ 26ASને ટ્રેસેસની વેબસાઈટથી પણ ડાઉનલોડ કરી શકાય છે. તેને માટે તમે ઈન્કમ ટેક્સ ફાઈલિંગની વેબસાઈટ પર પણ લૉગઈન કરી શકો છો. માય એકાઉન્ટ સેક્શનમાં તમે વ્યૂ ફોર્મ 26AS ટેબ પર ક્લિક કરો. ત્યાર પછી તમે ટ્રેસેઝની સાઈટ પર પહોંચો. અહીં તમે એસેસમેન્ટ ઈયર લખો અને સ્ટેટમેન્ટ ડાઉનલોડ કરો. તમે તમારી બર્થ ડેટને પણ ફોર્મ 26AS ખોલવા માટે પાસવર્ડની જેમ વાપરી શકો છો.
ઈન્કમટેક્સ ભરવાની છેલ્લી તારીખ
હાલમાં જ નાણાંમંત્રી નિર્મલા સીતારમણે આવકવેરા વળતર ભરનારાઓને મોટી રાહત આપતા 2019-20 માટે આવકવેરા વળતરની છેલ્લી તારીખ 31 જુલાઈ 2020થી વધારી 30 નવેમ્બર 2020 કરવાની જાહેરાત કરી હતી. હાલમાં, 31 જુલાઈ 2020 એ એસેસમેન્ટ વર્ષ 2020-21 માટે રિટર્ન ફાઇલ કરવાની છેલ્લી તારીખ છે.