વડોદરાના જાણીતા બિલ્ડર દર્શનમ ગૃપ,વિહવ અને આર્કિટેક્ટ રુચિર શેઠને ત્યાં પડેલા ઇન્કમટેકસના દરોડામાં 110 કરોડના બેનામી વ્યવહાર મળી આવ્યા
વડોદરામાં IT વિભાગના દરોડા
શહેરના જાણીતા બિલ્ડર જૂથ, આર્કિટેક ગૃપ પર દરોડા
110 કરોડના બેનામી વ્યવહાર મળ્યા
વડોદરાના જાણીતા બિલ્ડર ગ્રુપ દર્શનમ,વિહવ અને આર્કિટેક્ટ રુચિર શેઠને ત્યાં પડેલા ઇન્કમટેકસના દરોડા દરમિયાન ઈન્કમટેક્સ વિભાગની તપાસમાં 110 કરોડ રૂપિયાના બિનહિસાબી નાણાકીય વ્યવહારો મળી આવ્યા છે. આ સાથે ઇન્કમટેક્સ વિભાગ દ્વારા સીલ કરાયેલા 25 બેંક લોકરો ની પણ તપાસ કરાઇ રહી છે.
દરોડા દરમિયાન 110 કરોડના બેનામી વ્યવહાર મળ્યા
સૂત્રોના જણાવ્યા અનુસાર કોરોના મહામારી બાદ વડોદરામાં પડેલા ઇન્કમટેકસના પ્રથમ દરોડામાં અધઘ 110 કરોડનું જંગી કાળું નાણું તેમજ બિનહિસાબી નાણાંની વ્યવહારો મળી આવતા શહેરમાં ફરી એક વખત ચર્ચા જાગી છે. ઇન્કમટેક્સ વિભાગ દ્વારા ગત મહિને પાડવામાં આવેલા દરોડામાં 35 જેટલા સ્થળ ઉપર એક સાથે સર્ચ હાથ ધરવામાં આવ્યું હતું
બિલના આધારે તપાસ ચાલુ
ઇન્કમટેકસ વિભાગ દ્વારા ઝીણવટ ભરી તપાસ કરતા રૂપિયા 110 કરોડના બેનામી કહી શકાય તેવા નાણાકીય વ્યવહારો મળી આવ્યા છે જે અંગે વધુ તપાસ હાથ ધરવામાં આવી છે ત્યારે બીજી તરફ કરોડો રૂપિયાની જ્વેલરી અને ગોલ્ડ પણ મળી આવ્યું હોવાનું જાણવા મળ્યું છે જે અંગે તેની ખરીદીના બિલ ના આધારે તપાસ આગળ વધારવામાં આવી રહી છે.
50 જેટલા કોમ્યુટરો અને લેપટોપમાં વિગતો સામે આવી
બિલ્ડર ગ્રૂપ અને આર્કિટેક ના ત્યાંથી ઇન્કમટેક્સ વિભાગ દ્વારા 50 જેટલા ઇલેક્ટ્રોનિક ઉપકરણો એટલે કે કોમ્પ્યુટર લેપટોપ સહિતના સાધનો કબજે લેવામાં આવ્યા હતા જે અંગે એફ.એસ.એલ.ની મદદ લેવામાં આવી રહી છે. અર્ચના પ્રથમ તબક્કામાં ડિજિટલ એન્ટ્રીઓ અંગે ઇન્કમટેક્સ વિભાગ હરકતમાં આવ્યું હતું. ત્યારે આ લેપટોપ અને અન્ય ઉપકરણો માંથી વધુ બેનામી સંપત્તિઓ અને હિસાબો મળવાની શક્યતાઓ વ્યક્ત કરાઇ છે.