ઉત્તર પ્રદેશમાં 12થી વધારે ભ્રષ્ટ અને ધુસણખોર ઓફિસરો વિરુદ્ધ ઈન્કમ ટેક્સ વિભાગે બુધવારે મોટી કાર્યવાહી કરતા એક સાથે 22 ઠેકાણા પર દરોડા પાડ્યા છે.
ઈન્કમ ટેક્સ વિભાગ એક્શન મોડમાં
યુપીમાં અલગ અલગ ઠેકાણા પર પાડ્યા દરોડા
ભ્રષ્ટ અધિકારીઓ વિરુદ્ધ પાડ્યા દરોડા
ઉત્તર પ્રદેશમાં 12થી વધારે ભ્રષ્ટ અને ધુસણખોર ઓફિસરો વિરુદ્ધ ઈન્કમ ટેક્સ વિભાગે બુધવારે મોટી કાર્યવાહી કરતા એક સાથે 22 ઠેકાણા પર દરોડા પાડ્યા છે. પ્રાપ્ત વિગતો અનુસાર જોઈએ તો, લખનઉ અને કાનપુર સહિત 22 જગ્યા પર ઈન્કમ ટેક્સની ટીમે દરોડા પાડ્યા છે. ઈન્કમ ટેક્સ વિભાગના ટાર્ગેટ પર 12થી વધારે ઓફિસર છે.
કહેવાય છે કે, યુપીના કેટલાય વિભાગમાં તૈનાત લગભગ દોઢ ડઝન અધિકારી હવે ઈન્કમ ટેક્સ વિભાગની રડાર પર છે. ઉદ્યમિતા પ્રશિક્ષણ સંસ્થા, ઉદ્યોગ વિભાગ, યુપી ઈંડસ્ટ્રિયલ કંસલટેંટ લિમિટેડ, ઉદ્યમ વિભાગની સાથે સાથે અમુક પ્રાઈવેટ ઈંડસ્ટ્રિયલિસ્ટને ત્યાં દરોડા પાડ્યા છે. કહેવાય છે કે, ગુપચુપ રીતે શરુ થયેલા આ દરોડા બાદ હડકંપ મચી ગયો છે.
ઓપરેશન બાબૂ સાહબ પાર્ટ 2 અંતર્ગત આ કાર્યવાહી થઈ રહી છે. તેની શરુઆત 18 જૂનના રોજ દિલ્હીથી થઈ હતી. હવે તેની તપાસ યુપીના લખનઉ અને કાનપુર સુધી પહોંચી ચુકી છે. મળી રહેલી વિગતો અનુસાર, વિભાગને ઈનપુટ મળ્યા હતા કે, ટેન્ડરથી લઈને કેટલીય યોજનાઓમા આ વિભાગોના ઓફિસર સંડોવાયેલા છે. પુરાવા મળ્યા બાદ તુરંત દરોડા પાડવામાં આવ્યા હતા.