IPLIN
 

દરોડા / અમદાવાદની પ્રતિષ્ઠિત દિશમાન ફાર્મા કંપની પર ઈન્કમટેક્સની રેડ, 18 સ્થળોએ અધિકારીઓના ધામા

Team VTV 11:50 AM, 19 Dec 19 | Updated: 03:02 PM, 19 Dec 19
Follow us
income tax raid on Dishman Pharma

ફાર્મા સેકટરમાં મોટું નામ ધરાવતી ‌દિશમાન ફાર્માસ્યુટિકલ કંપની પર આજે સવારથી આવકવેરા વિભાગે દરોડાની કાર્યવાહી શરૂ કરી છે. બોપલ અને થલતેજ  રોડ પર આવેલી આ ફાર્મા કંપનીની ઓફિસ આજે રાબેતા મુજબના સમયે શરૂ થાય તે પહેલાં જ આવકવેરા વિભાગના અધિકારીઓ ત્યાં પહોંચી ગયા હતા. ૧ર જેટલા અધિકારીઓએ કંપનીની ઓફિસમાં દસ્તાવેજોની ચકાસણીની કામગીરી હાથ ધરી છે.

કંપનીની બાવળા પાસે સાણંદ રોડ ઉપર આવેલી ફેક્ટરી અને નરોડાની ફેક્ટરી પર પણ આવકવેરા વિભાગની ટીમે તપાસ હાથ ધરી છે. કંપનીની ઓફિસ અને ફેક્ટરી સહિત હવે તપાસનો રેલો માલિકોના રહેઠાણ સુધી પહોંચ્યો છે. 

કંપનીના ઓફિસ અને ફેક્ટરી સ્ટાફને કામગીરી માટે આવવા દેવાયા ન હતા. જે તે સમયે હાજર કર્મચારીઓના મોબાઈલ પણ ચોક્કસ સમય માટે જપ્ત કરી લેવાયા હતા.અત્યારે ચાલી રહેલ દસ્તાવેજોની ચકાસણી અને પૂછપરછ દરમિયાન મોટા પ્રમાણમાં બેનામી વ્યવહારો અને કાળું નાણું ઝડપાય તેવી શક્યતા છે. કંપનીના માલિકોના બેન્ક ખાતાં-લોકર વગેરેની પણ તપાસ હાથ ધરાય તેવી શક્યતા છે. દિશમાન ફાર્મામાં પડેલા આઇટી વિભાગના દરોડાના પગલે અન્ય ફાર્મા કંપનીઓમાં પણ ફફડાટ ફેલાયો છે.

 

 

 

Income Tax Income Tax raids IT raid. dilshan
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ