દરોડા / રૂપિયાને ડોલરમાં ફેરવી કરચોરી કરતા શીપબ્રોકર્સને ત્યાં 100 કરોડની ટેક્સ ચોરી પકડાઈ

• 100 કરોડ રૂપિયાની ટેક્સ ચોરી IT વિભાગે ઝડપી
• અલંગમાં જહાજ તોડવાનું કામ કરતી કંપની પર દરોડા
• શીપબ્રેકર્સ પ્રિયા બ્લ્યુ ઇન્ડસ્ટ્રીઝના મલિકને ત્યાં દરોડા

 100 કરોડ રૂપિયાની ટેક્સ ચોરી IT ( Income Tax)  વિભાગે ઝડપી

અલંગમાં જહાજ તોડવાનું કામ કરતી કંપની પર દરોડા પાડતા કરોડોની ટેક્સચોરી સામે આવી. શીપબ્રેકર્સ પ્રિયા બ્લ્યુ ઇન્ડસ્ટ્રીઝના મલિકને ત્યાં દરોડા પાડવામાં આવ્યા હતા. 
પ્રિયા બ્લ્યુ કંપનીએ 85 કરોડ ડોલરનું ટર્નઓવર દર્શાવ્યું હતુ. જયારે કંપનીએ 190 કરોડ ડોલરનો વેપાર કર્યા હોવાનો IT વિભાગને અંદાજો છે. 

વિદેશી કંપનીને નફો ટ્રાન્સફર કરીને ટેક્સમાં ચોરી કર્યાનો આરોપ

પ્રિયા બ્લ્યુ કંપની ઉપર નફો વિદેશી કંપનીને ટ્રાન્સફર કરીને કરચોરીનો કારસો રચ્યો હોવાનું પણ સામે આવ્યુ છે. પ્રિયા બ્લ્યુમાંથી હોંગકોંગની કંપનીને નફાની રકમ ટ્રાન્સફર કરવામાં આવતી હતી. કંપનીએ ભારત કે હોંગકોંગમાં આવકવેરાની ચુકવણી જ નથી કરી. 

IT વિભાગે સોનું, રોકડ અને લોકર જપ્ત કર્યા

IT વિભાગે 4.62 કરોડ રોકડ અને 46.67 લાખનું સોનું પકડ્યું છે. IT વિભાગે 21 બેંક લોકર પણ કર્યા જપ્ત કર્યા છે.