અપડેટ / PAN કાર્ડ અને Aadhaarને લિંક કરાવવાની તારીખ લંબાવાઇ, આ રીતે કરો લિંક

• PAN અને આધાર કાર્ડને લિંક કરવાની છેલ્લી તારિખને હવે લંબાવવામાં આવી
• હવે આધારથી પાન કાર્ડને લિંક કરવાની છેલ્લી તારીખ 31 ડિસેમ્બર 2019
• જુલાઇમાં બજેટ દરમિયાન પાન-આધાર લિંકિંગ નિયમોમાં બદલાવની જાહેરાત થઇ હતી

જુલાઇમાં બજેટ રજૂ કરવા દરમિયાન પાન-આધાર લિંકિંગ નિયમોમાં બદલાવ કરવાની જાહેરાત કરાઇ હતી. Central Board of Direct Taxes (CBDT) એ પાન-આધાર લિંક કરાવવાની છેલ્લી તારીખ 30 સપ્ટેમ્બર 2019 જાહેર કરી છે. 

આ રીતે ચેક કરો આપનું પાન અને આધાર લિંક છે અથવા નથી

આપ આપના પાન આધાર લિંક ઓનલાઇન સ્ટેટસ જાણવા માટે ઇનકમ ટેક્સ ડિપાર્ટમેન્ટની વેબસાઇટ https://www1.incometaxindiaefiling.gov.in/e-FilingGS/Services/AadhaarPreloginStatus.html પર જઇ શકો છો. ત્યારબાદ આપને જાણકારી મળશે.

ઇકોનોમિક ટાઇમ્સની અનુસાર, નાણા મંત્રાલયે આધાર અને પાન કાર્ડને લિંક કરાવવાની છેલ્લી તારીખ 30 સપ્ટેમ્બરથી વધારીને 31 ડિસેમ્બર 2019 કરી છે. તેને લઇને નોટિફિકેશન પણ જાહેર કરાયું છે. 

આધાર અને પાન કાર્ડને લિંક કરવા માટે સૌથી પહેલા આપે ઇનકમ ટેક્સની ઓફિશિયલ વેબસાઇટ (www.incometaxindiaefiling.gov.in) પર જવુ પડશે. જ્યાં આપને પાન-આધાર લિંક કરવાનો વિકલ્પ દેખાશે. આઇટી (IT)ની વેબસાઇટ પર આપવામાં આવેલ લિંક પાન આધાર લિંક ઓનલાઇન (Pan Aadhaar Link Online) પર ક્લિક કરો. તમારો પાન નંબર નાંખો, પૂછવામાં આવેલા સ્થાન પર આપનો આધાર નંબર નાંખો. 

આધારમાં લખવામાં આવેલું આપનું નામ યોગ્ય કેટેગરીમાં ભરો. જો આપના આધાર કાર્ડમાં માત્ર બર્થ ઇયર લખવામાં આવેલું છે તો આપ એ બોક્સ પર માર્ક કરો જ્યાં લખ્યું હોય - આઇ હેવ ઓનલી ઇયર ઓફ બર્થ ઇન આધાર કાર્ડ. જો આપ આપની આધાર સાથે જોડાયેલી ડિટેલ્સને UIDAIથી ચેક કરવા માંગો છો તો આપ 'I agree to validate my Aadhar details with UIDAI' વાળા બોક્સ પર ક્લિક કરો. 

પાન કાર્ડને આધાર કાર્ડ સાથે લિંક કરવા માટે સ્ક્રીન પર નજર આવતી ઇમેજ કોડને પણ ભરવી પડશે. જો આપને આ ચરણમાં કોઇપણ પ્રકારની મુશ્કેલી આવી રહી છે તો આપ ઓટીપી (OPT) માટે પણ રિક્વેસ્ટ કરી શકો છો. ત્યારબાદ આધાર પાનને લિંક કરવામાં માટે લિંક આધારના વિકલ્પ પર ક્લિક કરો.