હૈદરાબાદની ઈન્ફ્રાસ્ટ્રક્ચર કંપની સાથે સંકળાયેલા પૈસાના વ્યવહાર મામલે કોંગ્રેસ પક્ષને ઈનકમ ટેક્સ વિભાગ દ્વારા નોટિસ પાઠવવામાં આવી છે. કંપની દ્વારા કરવામાં આવેલા દાવામાં કોંગ્રેસ પાર્ટી પૈસાના કાગળો રજૂ કરી શકી નથી. ઉલ્લેખનીય છે કે 170 કરોડ રૂપિયાના કેસમાં આ નોટિસ આપવામાં આવી છે.
કોંગ્રેસ પાર્ટીને ઈનકમ ટેક્સ વિભાગની નોટિસ
હૈદરાબાદની કંપનીએ ફંડને લઈને ફટકારી નોટિસ
હવાલાની મદદથી ફંડ લેવાનો આરોપ
આ કારણ માટે આપવામાં આવી નોટિસ
દેશની મુખ્ય વિપક્ષી પાર્ટી કોંગ્રેસને ઇન્કમટેક્સ વિભાગ દ્વારા નોટિસ ફટકારવામાં આવી છે. આ નોટિસ કોંગ્રેસ પાર્ટીને રાજકીય દાનને લઈને મોકલવામાં આવી છે. 2 ડિસેમ્બરે મોકલાયેલી આ નોટિસમાં હૈદરાબાદ સ્થિત એક કંપની દ્વારા મોકલાયેલા નાણાંનો હિસાબ ન આપવાનું કારણ આપવામાં આવ્યું છે.
કોંગ્રેસ પાર્ટી જરૂરી કાગળો રજૂ કરી શકી નથી
હૈદરાબાદની ઈન્ફ્રાસ્ટ્રક્ચર કંપનીની સાથે જોડાયેલા રૂપિયાની લેવડ દેવડના મામલે કોંગ્રેસ પાર્ટીને નોટિસ મોકલવામાં આવી છે. કંપની દ્વારા જે રૂપિયાનો દાવો કરવામાં આવ્યો છે તેની સાથે જોડાયેલા કાગળોને કોંગ્રેસ પાર્ટી રજૂ કરી શકી નથી. અગાઉ પણ 4 નવેમ્બરે આ કેસમાં નોટિસ પાઠવવામાં આવી હતી. પરંતુ કોંગ્રેસની તરફથી ઈનકમ ટેક્સ વિભાગની સામે કોઈ હાજર થયું ન હતું.
આ રીતે સામે આવી વિગત
ઉલ્લેખનીય છે કે ઈનકમ ટેક્સ વિભાગે છેલ્લા કેટલાક દિવસો પહેલાં હૈદરાબાદની એક ઈન્ફ્રાસ્ટ્રક્ચર કંપનીએ રેડ પાડી હતી. તેમાં જાણવા મળ્યું હતું તે કંપનીની તરફથી હવાલાની મદદથી કોંગ્રેસ પાર્ટીને 170 કરોડ રૂપિયા મોકલવામાં આવ્યા હતા. જેને લઈને ઈનકમ ટેક્સ વિભાગે તપાસ શરૂ કરી હતી.
આ ફંડને સરકારી પ્રોજેક્ટના માટે અલગ રાખવામાં આવ્યું હતું અને તેનું બોગસ બિલિંગ તૈયાર કરવામાં આવ્યું હતું. તપાસમાં એ પણ જાણવા મળ્યું કે કંપનીની તરફથી જે પણ બોગસ બિલ તૈયાર કરવામાં આવ્યા હતા તે તેમના સરકારી પ્રોજેક્ટની સાથે જોડાયેલા હતા અને તેનો સીધો સંબંધ ઈકોનોમિક વીકર સેક્શન સાથે હતો.