મોટી એક્શન / ભારત સરકારની મોટી કાર્યવાહી, ચાઈનીઝ એપ બાદ ટેલીકોમ કંપની ITની રડારમાં આવી, પાડ્યા દરોડા

• ઈન્કમ ટેક્સના દરોડા
• ચીની ટેલીકોમ કંપની પર મોટી તવાઈ
• ચાઈનાના એપ બાદ મોટી રેડ

ઈન્કમ ટેક્સ વિભાગે ચીની ટેલીકોમ કંપની હુવાવેના ભારત સ્થિત પરિસરોમાં દરોડા પાડ્યા છે. સત્તાવાર સૂત્રોએ બુધવારે જણાવ્યું હતું કે, આવક વિભાગ તરફથી આ કાર્યવાહી ચોરીની તપાસ અંતર્ગત કરવામાં આવી હતી. એક રિપોર્ટમાં જણાવ્યા અનુસાર આ દરોડા કંપનીની ઓફિસોમાં મંગળવારે દિલ્હી, ગુરૂગ્રામ અને બેંગલુરૂમાં પાડવામાં આવ્યા હતા. તો વળી ચીની કંપની હુવાવેના અધિકારીઓએ પણ આ વાતની પુષ્ટિ કરી છે. 

ચોરીના આરોપમાં દરોડા પાડ્યા

સૂત્રો દ્વારા મળતી માહિતી અનુસાર રિપોર્ટમાં કહેવાયુ છે કે, આવક વિભાગના અધિકારીઓએ હુવાવેના ભારતીય વ્યવસાય અને વિદેશી લેવડદેવડ વિરુદ્ધ કથિત રીતે ચોરીની શક્યતાના આધારે તપાસ હાથ ધરી હતી. અધિકારીઓએ તપાસ દરમિયાન નાણાકીય દસ્તાવેજોની પડતાલ કરી હતી. સત્તાવાર સૂત્રોએ દરોડા દરમિયાન અમુક દસ્તાવેજો અને પુરાવા એકઠા કર્યા હોવાની પણ પુષ્ટિ કરી છે. 

We have been informed of the visit of the Income Tax team to our office and also of their meeting with some personnel. Huawei is confident our operations in India is firmly compliant with all laws and regulations: Huawei pic.twitter.com/ImgeURSl9z

— ANI (@ANI) February 16, 2022

કાયદાનું પાલન કરવાની આપી બાંયેધરી

તો વળી ચીની ટેલીકોમ કંપની હુવાવે જણાવ્યું છેકે, તેને આવક વિભાગની ટીમના તે કાર્યાલય પર પહોંચ્યા અને તેના અમુક કર્મચારીઓ સાથે તેમની બેઠક વિશે માહિતગાર કરવામાં આવ્યા. હુવાવેએ પોતાના નિવેદનમાં કહ્યું છે કે, તેને વિશ્વાસ છે કે, ભારતમાં હાલમાં પણ તેમનું સંચાલન કાયદા અનુરૂપ છે. ભારતમાં કંપનીનું સંચાલન કાયદાને અનુરૂપ ચાલી રહ્યું છે. 

કાયદા અંતર્ગત કરીશું કામ

હુવાવેએ એક નિવેદનમાં કહ્યું છે કે, આવક વિભાગ તરફથી કરવામાં આવેલી કાર્યવાહીના ભાગરૂપે તે વધારે જાણકારી માટે સંબંધિત સરાકરી વિભાગો સાથે સંપર્ક કરશે. હુવાવેએ એવો પણ વિશ્વાસ અપાવ્યો કે, ભારતીય કાયદા અનુસાર ચાલી રહેલી કોઓઈ પણ તપાસમાં તે પુરતો સહયોગ આપશે. સાથે જ કાયદા સંમ્મત પ્રક્રિયાઓનું પાલન પણ કરશે. આપને જાણ કરી દઈએ કે, હુવાવેને દેશની 5 જી સેવાઓના ટ્રાયલમાંથી બહાર રાખવામાં આવી છે. આવક વિભાગે ગત વર્ષે Xiaomi અને Oppo જેવી કંપની વિરુદ્ધ પણ તપાસ હાથ ધરી હતી.