જો તમારા ઘરમાં કોઇ ભાડે રહે છે તો તમારે ભાડાથી થનારી આવક પર લાગનારા ટેક્સ વિશે જરૂર જાણી લેવું જોઇએ. ઇન્કમટેક્સ અપીલેટ ટ્રિબ્યુનલની મુંબઇ બેચે જણાવ્યું છે કે, કોઇ પણ સંપત્તિના માલિકને ભાડુઆત ભાડુ નથી આપતો તો તેને ઇન્કમટેક્સ નહી ભરવો પડે. કેટલાક મકાનમાલિકોને કોરોનામાં ભાડુ નથી મળી રહ્યું તો તેમને ટેક્સ નહી ભરવો પડે.
ટેક્સ પે કરવા પર આવ્યો નવો નિયમ
ભાડુઆતે આપેલા ભાડા પર નિયમ
મકાન માલિક માટે બદલાયા નિયમો
શેના પર ઇન્કમ ટેક્સ આપવો પડશે
મહત્વનું છે કે નવા આદેશ અનુસાર ITATએ કહ્યું કે જો કોઇ ભાડુઆત 12માંથી માત્ર 8 મહિના ભાડુ આપે તો ટેક્સપેયરને માત્ર 8 મહિનાની ઇન્કમ પર જ ટેક્સ આપવો પડશે.
ટ્રિબ્યૂનલે શું કહ્યું
આ સમગ્ર વાત પર ITATએ કહ્યું કે ભાડા પર ત્યારે ટેક્સ લગાવવો જોઇએ જ્યારે ટેક્સપેયરને ભાડુ મળ્યુ હોય અથવા તો મળવાની પૂરી સંભાવના હોય.
આ કંડીશનમાં ટેક્સ ન લેવો જોઇએ
ભાડુઆત જ્યારે સંપૂર્ણ ભાડુ ન આપવાનો હોય તો તે સમયે ટેક્સ લેવો ન જોઇએ.
નોંધનીય છે કે પહેલાની સ્થિતિમાં મકાન માલિકે સંપૂર્ણ ટેક્સ પે કરી દેવો પડતો હતો કારણકે તેવું માનવામાં આવતું હતુ કે તેમને ભાડુ મળી જ જવાનું છે પરંતુ જો ભાડુઆત ભાડુ નથી આપી શકતો તો મકાન માલિક પાસે ટેક્સ વસુલવો યોગ્ય નથી.
સમારકામ માટે ભાડુઆત પાસે લીધેલ પૈસા પણ માનવામાં આવશે ઇન્કમ
હાલમાં જ દિલ્હી હાઇ કોર્ટે એક નિર્ણય સંભળાવ્યો છે જેના અનુસાર ભાડુઆત પાસે ઘર ખાલી કરાવીને ડેમેજ થવા પર જે રકમ વસૂલવામાં આવે છે તેને પણ ઇન્કમ માનવામાં આવશે. તેને પણ પ્રોપર્ટીમાંથી થયેલ ઇન્કમ માનવામાં આવશે.