દરોડા / ઝારખંડમાં ઈન્કમટેક્સની રેડમાં બેનામી સંપત્તિનો ખજાનો મળ્યો, 50 ઠેકાણા પર દરોડામાં 100 કરોડની અઘોષિત સંપત્તિની મળી

• આયકર વિભાગે 3 દિવસ સુધી પાડ્યાં દરોડા
• 3 કોંગ્રેસ વિધાયકો પાસેથી રોકડ જપ્ત
• 100 કરોડની સંપત્તિ છૂપાવ્યાં હોવાની માહિતી
• 2 કરોડ રૂપિયા રોકડ કર્યાં છે જપ્ત

રાંચી: ઝારખંડમાં છેલ્લા ત્રણ દિવસથી આયકર વિભાગની ટીમ જોશભેર કામ કરી રહી છે. ટીમને દરોડા પાડતાં 100 કરોડ જેટલાં રૂપિયા હોવાની માહિતી મળી છે. આ ત્રણ દિવસો સુધી પાડવામાં આવેલા દરોડા પછી આયકર વિભાગે આ માહિતી આપી છે. ટીમે ઝારખંડમાં કોંગ્રેસ વિધાયકોનાં ઘર સહિત 50થી વધુ જગ્યાઓ પર દરોડા માર્યાં છે.

Jharkhand: IT dept raids unearth Rs 2 cr in cash, Rs 100 cr unaccounted investments, transactions

Read @ANI Story | https://t.co/uGhuyw7vEd#Jharkhand #IncomeTax #CBDT pic.twitter.com/KGjHysU3fL

— ANI Digital (@ani_digital) November 8, 2022

2 કરોડથી વધુ રૂપિયા રોકડમાં જપ્ત કર્યાં 
આયકર વિભાગની ટીમે છેલ્લા ત્રણ દિવસમાં આ રેડ રાંચી, ગોડ્ડા, દુમકા,જમશેદપુર, ચાઇબાસા સિવાય બિહારનાં પટના અને ઉત્તરપ્રદેશનાં ગુરુગ્રામ અને પશ્ચિમ બંગાળનાં કોલકત્તામાં પાડી હતી. દરોડા દરમિયાન 2 કરોડથી વધુ રૂપિયા રોકડમાં જપ્ત કર્યાં છે. આયકર વિભાગની ટીમે 16 બેંક લોકરની પણ તપાસ કરી છે.  ટીમની પાસે માહિતી છે કે 100 કરોડથી વધુનાં રોકડ અને સંપત્તિ આરોપીએ છૂપાવી રાખેલ છે.

કોંગ્રેસનાં આ વિધાયકોનાં નામ સામે
4 નવેમ્બરથી આયકર વિભાગની ટીમ દરોડા પાડી રહી છે ત્યારે આ સમૂહોએ વિવિધ રસ્તાઓ અજમાવી કરચોરી કર્યાં હોવાની માહિતી મળી છે. કોંગ્રેસનાં વિધાયક કુમાર જયમંગલ ઉર્ફ અનૂપ સિંહ અને સંદીપ યાદવનાં ઘરો પર આઇટીએ છાપા માર્યાં હતા. કુમાર જયમંગલ ઝારખંડની બેરમો સીટથી  વિધાયક છે.