ઇન્કમ ટેક્સ / Tax ચોરી કરનારા સાવધાન! ફોર્મ-16માં સરકારે કર્યો ફેરફાર, હવે આપવી પડશે આ વિશેષ જાણકારી

નાણાંમંત્રાલય તરફથી ફોર્મ-16માં ફેરફારની સૂચના 12મેં 2019થી લાગુ થઇ જશે. એવામાં વર્ષ 2018-19ને માટે કોઇ કર્મચારીને એમ્પ્લોયર તરફથી આપવામાં આવતા ફોર્મ-16 નવા પ્રોફાર્મા પર થશે. આમાં નાણાંકીય વર્ષ દરમ્યાન કોઇ સંસ્થાનાં બીજા સંસ્થામાં આવનારા કર્મચારીઓની પૂર્વ સંસ્થાથી પ્રાપ્ત કુલ વેતનની પણ કોલમ જોડવામાં આવેલ છે.

આને કુલ વેતનવાળી પહેલી કોલમનાં વિસ્તારમાં સ્થાન આપવામાં આવેલ છે. જૂના ફોર્મ-16માં આનો ઉલ્લેખ ન હોતો. આ સાથે જ આમાં ડિડક્શનને વિશેષ સ્થાન આપવામાં આવેલ છે. કર તજજ્ઞોનું કહેવું એમ છે કે વેતનભોગી કરદાતાઓને માટે સ્ટૈંટર્ડ ડિડક્શનની જોગવાઇ ગયા વર્ષે જ ફરીથી કરવામાં આવેલ છે જેથી આ વખતે આને ફોર્મ-16માં પણ જોડવામાં આવેલ છે. હવે તમામ ડિડક્શનની વિસ્તારથી જાણકારી આપવાની રહેશે.
 

ITR ફોર્મમાં પણ કર્યો હતો ફેરફારઃ
આ પહેલાં આયકર વિભાગે આઇટીઆર ફોર્મમાં પણ મોટા ફેરફાર કરીને આને ખૂબ જટિલ બનાવી દીધું હતું. સૌથી મોટું પરિવર્તન ખેતીથી આવક મેળવનારા કર્મચારીઓ માટે હતું. જેને 5 હજારથી વધારે આવક હોવાં પર આઇટીઆર-2 દાખલ કરવું પડશે. આ પહેલાનાં 17 પેજને વધારીને 23 પેજનાં કરી દેવામાં આવ્યાં.