આયકર વિભાગે ગુરુગ્રામ સ્થિત 150 કરોડ રૂપિયાની હોટલને બેનામી સંપત્તિ હેઠળ જપ્ત કરી છે. તપાસમાં જાણવા મળ્યું છે કે આ બેનામી સંપત્તિ હરિયાણાના પૂર્વ મુખ્યમંત્રી ભજન લાલના પુત્ર અને કોંગ્રેસ નેતા કુલદીપ બિશ્નોઇ અને ચંદર મોહન છે.
આયકર વિભાગે આ કાર્યવાહી બેનામી સંપત્તિ લેનદેન અધિનિયમ, 1988ની જોગવાઇ 24 (3) હેઠળ કરી છે. આયકર વિભાગની બેનામી સંપત્તિ એકમ (BPU)એ આ કાર્યવાહી કરી છે. આયકર વિભાગ દ્વારા જપ્ત કરવામાં આવેલ સંપત્તિનું સ્વામિત્વ બ્રાઇટ સ્ટાર હોટલ પ્રાઇવેટ લિમિટેડના નામે છે. જેમા 34 ટકા શેયર અન્ય કંપનીના નામે છે, જે બ્રિટિશ વર્જિન આઇલેન્ડ (BVI)માં રજિસ્ટર્ડ છે. આ કંપની સંયુક્ત આરબ અમીરાતથી સંચાલિત થાય છે.
બતાવામાં આવી રહ્યું છે કે બ્રિટિશ વર્જિન આઇલેન્ડના કથિત બેનામી શેયરધારક બિશ્નોઇ પરિવાર ખુબ જ નજીકના છે. આ સંપત્તિ વિશે નિર્યણ લેવાનો માલિકી હક બિશ્નોઇ પરિવાર પાસે જ છે. બ્રાઇટ સ્ટાર હોટલ પ્રાઇવેટ લિમિટેડમાં શેયરના અધિગ્રહણ માટે ચુકવણીનો અંતિમ નિર્ણય પણ બિશ્નોઇ પરિવાર દ્વારા લેવાયો હતો અને એમણે ભારત અને વિદેશોમાં સ્થિત પોતાના સહયોગીઓના માધ્યમથી તેના પર નિયંત્રણ રાખતા હતા.
જુલાઇમાં ITએ પાડ્યા હતા દરોડા
આયકર વિભાગના અધિકારીઓએ 23 જુલાઇએ ટેક્સ ચોરી સાથે જોડાયેલા મામલામાં બિશ્નોઇના હરિયાણાના હિસાર, મંડી આદમપુર અને ગુરુગ્રામ સહિત કુલ 13 સ્થાનો પર દરોડા પાડ્યા હતા. જેમા ઘણી બેનામી સંપત્તિઓ સહિત કરોડો રૂપિયાના લેણદેણ, ચલ-અચલ સંપત્તિઓથી સંબંધિત ડીલ વિશે જાણકારી અને પૂરાવા મળ્યા હતા.
કોંગ્રેસના ધારાસભ્ય છે કુલદીપ બિશ્નોઇ
હરિયાણાના સૌથી લાંબા સમય સુધી મુખ્યમંત્રી રહેલા ભજન લાલના પુત્ર કુલદીપ બિશ્નોઇ ધારાસભ્ય છે. જ્યારે તેમની પત્ની રેણુકા બિશ્નોઇ પણ રાજ્ય વિધાનસભામાં હાંસી બેઠકનું પ્રતિનિધિત્વ કરે છે. બંને પતિ-પત્નીએ 2014માં વિધાનસભા ચૂંટણીમાં હરિયાણા જનહિત કોંગ્રેસના ઉમેદવારો સ્વરૂપે જીત હાંસલ કરી હતી. બાદમાં 2016માં પાર્ટીનો કોંગ્રેસમાં વિલય થઇ ગયો હતો.