હેલ્થ / ફેફસાંને સ્વસ્થ રાખવા આહારમાં આ વસ્તુઓ સામેલ કરો

• કોરોના મહામારીમાં સાચવો તબિયત 
• ફેફસાંને સ્વસ્થ રાખવા માટે યોગ્ય ડાયટ જરૂરી 
• હાઇ ફાઇબર ફૂડ્સ કરો આહારમાં સામેલ 

સ્વસ્થ રહેવા માટે, ફેફસાં માટે વિક્ષેપ વિના કામ કરવું જરૂરી છે. સામાન્ય રીતે પોતાનાં ફેફસાંને હેલ્ધી રાખવા માટે તમામ પોષક તત્ત્વોનું ભરપૂર પ્રમાણમાં સેવન કરવું જોઇએ. હેલ્ધી અને મજબૂત ફેફસાં માટે પ્રોસેસ્ડ મીટ, દારૂનું સેવન, વધારે મીઠું, સુગંધિત પીણાં જેવા આહારથી દૂર રહેવું જોઇએ. કેટલાંક એવાં ફૂડ્સ લેવાં જરૂરી છે, જે તમારાં ફેફસાંને સ્વસ્થ રાખે.

હાઇ ફાઇબર ફૂડ્સ
વટાણા, દાળ, રાસબરી અને રાજમા તમામ ફાઇબરથી ભરપૂર હોય છે, જે તમારાં ફેફસાંને સ્વસ્થ રાખે છે. સંશોધન અનુસાર વધારે ફાઇબર ખાતા લોકોમાં ફેફસાંની સમસ્યા થતી નથી. 

કોફી 
કોફી લવર્સ માટે સારા સમાચાર છે. નિયમિત કોફી અને સ્વસ્થ ફેફસાં વચ્ચે કનેક્શન છે. કોફીમાં રહેલું કેફીન એ‌િન્ટઈન્ફ્લેમેટરી ગુણથી ભરપૂર હોય છે અને પોલીફેનોલ, જે એન્ટિઓક્સિડેન્ટનો પણ ઉચ્ચ સ્રોત છે. આ તમામ ફેફસાંને હેલ્ધી રાખી શકે છે.

સાબૂત અનાજ 
સાબૂત અનાજ તમારાં ફેફસાં માટે ઉત્તમ છે, તેમાં બ્રાઉન રાઇસ, ઘઉંની રોટલી, ઘઉંંના પાસ્તા, ક્વિનોઆ અને જવ સામેલ છે. આ અનાજ ઉચ્ચ ફાઇબરવાળાં, એ‌િન્ટઑક્સિડેન્ટ અને એ‌િન્ટઇન્ફ્લેમેટરી ગુણથી ભરપૂર છે, તે વિટામિન-ઇ, સેલેનિયમ અને આવશ્યક ફેટી એસિડથી પણ ભરપૂર છે, જે ફેફસાંના સ્વાસ્થ્ય માટે યોગ્ય માનવામાં આવે છે

જાંબુ 
જાંબુ, સ્ટ્રોબેરી, રાસબરી જેવાં ફળમાં એ‌િન્ટ-ઓ‌િક્સડેન્ટ ગુણો હોય છે. જાંબુનું સેવન ફેફસાંના સ્વાસ્થ્ય માટે ફાયદાકારક માનવામાં આવે છે. તેને ડાયટમાં સામેલ કરો.

લીલાં શાકભાજી અને દૂધ ઉત્પાદન 
પાલક કે અન્ય પાંદડાંવાળાં શાકભાજી ફેફસાંનાં કેન્સર થવાની શક્યતાને ઘટાડી શકે છે. આ ઉપરાંત દૂધ, પનીર, દહીં અને અન્ય ડેરી પ્રોડ્ક્ટ્સ ખાવાથી ફેફસાંનાં કેન્સર થવાની શક્યતા ઘટી શકે છે.