સુરત અને જૂનાગઢમાં તસ્કરોનો આતંક જોવા મળ્યો છે. સુરતના મોટા વરાછામાં વોરાજી સ્ટ્રીટમાં તસ્કરો ત્રાટક્યા હતાં. કારમાં આવેલા પાંચ તસ્કરોએ ચોરીનો પ્રયાસ કર્યો હતો. પરંતુ તસ્કરનો મકાનમાં પ્રવેશવાનો પ્રયાસ નિષ્ફળ રહ્યો હતો. રાત્રી કર્ફ્યૂ છતાં તસ્કરો કાર લઇ ખુલ્લેઆમ ફરી રહ્યાં છે. આથી અમરોલી પોલીસના રાત્રી પેટ્રોલિંગ સામે સવાલો ઉઠ્યા છે. તો આ તરફ જૂનાગઢમાં મોબાઇલની દુકાનમાં તસ્કરોનો હાથફેરો કરતા જોવા મળ્યા છે. એમ. જી. રોડ પર મોબાઇલની દુકાનમાં ચોરી થઇ હતી. તસ્કરો દુકાનમાં રહેલા તમામ મોબાઇલ ઉઠાવી ગયા છે. આ દુકાનમાંથી 100થી વધુ મોબાઇલની ચોરી થઇ છે.
ગુજરાતના મોટા શહેરોમાં ચોરીના બનાવો છાશવારે બનતા પોલીસ પેટ્રોલિંગ સામે પણ અનેક સવાલો ઊભા થઈ રહ્યા છે. સુરતમાં એક ઘરફોડનો પ્રયાસ કરવામાં આવ્યો છે જેમાં તસ્કરોની હરકત CCTVમાં કેદ હતી. જ્યારે જૂનાગઢમાં મોબાઇલની દુકાનમાં તસ્કરો ત્રાટક્યા હતા અને જોત જોતામાં 100થી વધુ મોબાઈલ ચોરી કરી ફરાર થઈ ગયા હતા. આમ રાત્રિ કર્ફ્યૂ લાગુ હોવા છતાં પણ બેફામ ચોરીના બનાવો વધતા પોલીસની કામગીરી સામે સવાલો થઈ રહ્યા છે.
VTV ગુજરાતીના સળગતા સવાલ
શું આવી રીતે થશે શહેરની સુરક્ષા ?
શા માટે પોલીસ નિષ્ક્રિય છે ?
કેમ તસ્કરોને પોલીસનો કોઈ ડર નથી ?
વધુ સુરક્ષાના સમયે પોલીસ કેમ કુંભકર્ણ નિદ્રામાં ?
શું શહેરીજનોના ધંધા-રોજગાર સુરક્ષિત નથી ?
શા માટે તસ્કરો વારંવાર પોલીસને પડકાર ફેંકે છે ?
છાશવારે બનતી ચોરીની ઘટનાને પોલીસ શા માટે રોકી શકતી નથી ?