IPLIN
 
  • Home
  • India
  • Incidents keep happening’, CM Hemant Soren’s irresponsible statement on the death of Dumka’s daughter

રાજનીતિ / સરકાર બચાવવાની લાયમાં ભાન ભૂલ્યા ઝારખંડ CM, કિશોરી રેપ અને હત્યાની ઘટનાને સામાન્ય ગણાવી

Team VTV 06:57 PM, 04 Sep 22 | Updated: 07:45 PM, 04 Sep 22
Follow us
Incidents keep happening’, CM Hemant Soren’s irresponsible statement on the death of Dumka’s daughter

ઝારખંડના દુમકામાં કિશોરી રેપ અને હત્યા કેસમાં મુખ્યમંત્રી હેમંત સોરેનનું નિવેદન ભારે વિવાદાસ્પદ બન્યું છે.

  • ઝારખંડમાં સરકાર બચાવવા હવાતિયા મારી રહેલા સીએમ હેમંત સોરન ભાન ભૂલ્યા
  • દુમકાની કિશોરીના રેપ અને હત્યાની ઘાતકી ઘટનાને ગણાવી સામાન્ય 
  • કહ્યું- ઘટનાઓ તો રોજ બનતી રહે છે
  • ઘટનાઓ કહીને નથી બનતી 

ઝારખંડના દુમકામાં કિશોરીના રેપ અને હત્યાની અતિ ગંભીર ઘટના પણ મુખ્યમંત્રી હેમંત સોરેનને સામાન્ય લાગી રહી છે. દુમકાની ચકચારી ઘટનાના એક દિવસ બાદ મુખ્યમંત્રી હેમંત સોરેનનું એક બિનજવાબદાર નિવેદન સામે આવ્યું છે. મુખ્યમંત્રી હેમંત સોરેને કહ્યું કે ઘટનાઓ તો રોજ બનતી રહે છે, ઘટનાઓ કંઈ આપણને કહીને નથી બનતી. તેમના આવા નિવેદનને કારણે ભારે વિવાદ પેદા થયો છે. 

મુખ્યમંત્રીને સરકાર બચાવવાની ચિંતા- ભાજપ 
ભાજપે કહ્યું કે મુખ્યમંત્રી આ મામલાથી હાથ ખંખેરવાનો પ્રયાસ કરી રહ્યાં છે.  તેઓ પોતાના ધારાસભ્યોને ડેમ એન્ડ રિસોર્ટમાં લઇ જઇ રહ્યા છે, પરંતુ હજુ સુધી મૃતક વિદ્યાર્થિની અંકિતાના પરિવારજનોના દુઃખ અને દર્દમાં સહભાગી થવા ગયા નથી. રાજ્યની કાયદો વ્યવસ્થા કરતાં પણ વધુ ચિંતા તેમને પોતાની સરકાર બચાવવાની છે. એટલા માટે તે આવું નિવેદન આપી રહ્યા છે. અમારી પાર્ટી પીડિત પરિવાર સાથે છે. અમે મૃતક વિદ્યાર્થીને ન્યાય અપાવીશું.

દુમકામાં બે કિશોરીના રેપ અને હત્યાની ઘટના 
ઉલ્લેખનીય છે કે દુમકામાં બનેલી બે ઘટનાઓએ સમગ્ર ઝારખંડને હચમચાવી નાખ્યું છે. પહેલી ઘટના 23 ઓગસ્ટના રોજ બની હતી, જ્યારે અંકિતા નામની વિદ્યાર્થિનીને માથાફરેલ પ્રેમીએ તેના પર પેટ્રોલ છાંટીને આગ ચાંપી દીધી હતી. અંકિતાને ગંભીર હાલતમાં રાંચીની રિમ્સ હોસ્પિટલમાં દાખલ કરવામાં આવી હતી, જ્યાં પાંચ દિવસ બાદ 28 ઓગસ્ટની સાંજે અંકિતાનું સારવાર દરમિયાન મોત થયું હતું. આ ઘટનાને અંજામ આપનાર યુવક એક ખાસ ધર્મનો હતો, તેથી મામલો થાળે પડ્યો હતો.

ઝાડ પર લટકતી મળી સગીરની લાશ
દુમકામાં આવી જ બીજી ઘટના શનિવારે બની હતી. એક સગીર વિદ્યાર્થીની લાશ ઝાડ પર લટકતી મળી આવી હતી. આરોપ છે કે વિદ્યાર્થીની પર એક ખાસ ધર્મના યુવકે તેની પ્રેમજાળમાં ફસાવીને બળાત્કાર ગુજાર્યો હતો. જ્યારે વિદ્યાર્થિની ગર્ભવતી બની ત્યારે તેની હત્યા કરી લાશને ઝાડ સાથે લટકાવી દેવામાં આવી હતી, જેથી તે આત્મહત્યાનો મામલો બની ગયો હતો. પોલીસે આ કેસમાં આરોપી યુવકની ધરપકડ કરી છે. યુવક સામે હત્યા અને બળાત્કારનો કેસ નોંધવામાં આવ્યો છે.

ઝારખંડમાં સરકાર પર સંકટ
ઉલ્લેખનીય છે કે દુમકાની બે ગંભીર ઘટના એવે સમયે બની છે કે જ્યારે રાજ્યમાં રાજકીય કટોકટી ચાલી રહી છે. સીએમ સોરેન સરકારને બચાવવા યુપીએના ધારાસભ્યોને છત્તીસગઢના રાયપુરમાં લઈ ગયા હતા જે હવે આજે પાછા રાંચી આવ્યાં છે. આવી ગંભીર ઘટનામાં સીએમ સોરેનનું બેજવાબદારીભર્યા વર્તનની ખૂબ ટીકા થઈ છે. 

Jharkhand cm Hemant Soren Jharkhand Crisis ઝારખંડ સીએમ હેમંત સોરેન ઝારખંડ રાજકીય કટોકટી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ