અકસ્માત સર્જાયો તેની સમગ્ર ઘટના શહેરમાં લાગેલા એક સીસીટીવી કેમેરામાં કેદ થઈ હતી જેના દ્રશ્યો સામે આવ્યા છે.
હિટ એન્ડ રનની ઘટનાના સીસીટીવી દ્રશ્યો સામે આવ્યા
ગભરામણ થાય તેટલી ઝડપે કાર હંકારી રહ્યા હતા
શહેરમાં રસ્તા પર સૂતા શ્રમજીવીઓ પર ફરી વળી
અમદાવાદના શિવરંજની વિસ્તારમાં મોડી રાત્રે અકસ્માત ઘમખ્વાર અકસ્માત સર્જાયો જેમાં પૂર ઝડપે આવેલી કારે ચાર લોકોને અડફેટે લેતા એકનું ઘટના સ્થળે મોત નિપજ્યું હતું જ્યારે અન્ય ત્રણ લોકો ગંભીર ઈજાગ્રસ્ત થતા સારવાર અર્થે ખસેડાયા છે.
હિટ એન્ડ રનની ઘટનાના સીસીટીવી દ્રશ્યો આવ્યા સામે
અમદાવાદ શિવરંજ પાસે સર્જાયેલી હિટ એન્ડ રનની ઘટનાના સીસીટીવી દ્રશ્યો આવ્યા સામે આવ્યા છે અકસ્માત સર્જાયો તેની સમગ્ર ઘટના શહેરમાં લાગેલા એક સીસીટીવી કેમેરામાં કેદ થઈ હતી જેના દ્રશ્યો સામે આવી રહ્યા છે. દ્રશ્યોમાં જોઈ શકાય છે કે શિવરંજની પાસે પૂરપાટ ઝડપે આવેલી કારે અકસ્માત સર્જ્યો હતો. જ્યારે ગાડી ચાલક અકસ્તમાત સર્જી ફરાર થઈ ગયો હતો.
ગભરામણ થાય તેટલી ઝડપે કાર હંકારી રહ્યા હતા
અકસ્માત નજરે જોનાર એક વ્યક્તિ જણાવે છે કે બે ગાડીઓએ રેસ લગાવી હતી અને પૂર ઝડપે કાર જતી હતી, ગાડી ઓવરટેક કરીને આગળ ગઈ અને શિવરંજની પાસે અકસ્માત સર્જાયો, વધુમાં તે જણાવે છે કે રાત્રે ગાડી નીચે આવેલા લોકોને બહાર કાઢ્યા હતા જ્યારે ગાડી ચાલક અકસ્માત સર્જી ભાગી ગયો હતો. પ્રત્યક્ષદર્શી એ વધુમાં જણાવ્યું કે, આ જોઇને મે મારી કાર બાજુમાં મૂકીને પહેલા તો ઇજાગ્રસ્તોને બહાર કાઢ્યા અને પછી 108ને ફોન કર્યો. મેં જોયું ત્યારે એક ભાઇ આગળનાં વ્હીલમાં ગાડી નીચે હતા અને બે બાળકો પાછળનાં વ્હીલમાં હતા. જ્યારે મહિલાને જોઇ ત્યારે લાગ્યું કે તેમનું ત્યાં જ મોત થયું છે. આ કારમાં ચાર લોકો સવાર હતા. આ અક્સમાત બાદ લોકો તેમની પાછળ પડ્યા હતા ત્યારે બે લોકો સીધા ભાગ્યા અને બીજા બે લોકો વિરુદ્ધ દિશામાં ભાગ્યા હતા.
શહેરમાં રસ્તા પર સૂતા શ્રમજીવીઓ પર ફરી વળી
આ દૂર્ઘટનામાં પરિવારની એક મહિલાનું મોત નીપજ્યું છે. જ્યારે ત્રણ લોકો ગંભીર રીતે ઇજાગ્રસ્ત બન્યાં છે. જેમાં બે બાળકોનો પણ સમાવેશ થાય છે પરતું બાળકોનો આબાદ બચાવ થયો હતો ઇજાગ્રસ્તોમાંથી બે બાળકોને સારવાર માટે શેલ્ટર હોમ મોકલી દેવામાં આવ્યાં છે. જ્યારે અન્ય એક વ્યક્તિને સોલા સિવિલ હૉસ્પિટલમાં સરાવાર માટે લઇ જવામાં આવ્યાં છે. કાર ચાલક અને તેમાં સવાર અન્ય લોકો કાર ઘટના સ્થળે મૂકીને જ ફરાર થયા હતા જ્યારે ઘટનાની જાણ થતા જ એન ડિવિઝન પોલીસ ઘટના સ્થળે પહોંચી ગુનો નોંધીને ફરાર લોકોની તપાસ હાથ ધરી છે. આ દુર્ઘટના સીસીટીવી કેમેરામાં કેદ થઇ ગઇ છે. પોલીસે સીસીટીવીને આધારે પણ વધુ તપાસ હાથ ધરી છે.
કારમાં સવાર લોકો દારૂનાં નશામા હોવાનો આક્ષેપ
જે હિટ એન્ડ રન કરનારી કારનો નંબર GJ01RU8964 છે અને તેનો રંગ સફેદ છે. પોલીસ આ નંબર પ્લેટ પરથી વધુ તપાસ કરી રહી છે. પોલીસની પ્રાથમિક તપાસમાં કારનાં માલિકનું નામ શૈલેષ હોવાનું સામે આવ્યું છે. સ્થાનિકોનાં આક્ષેપ પ્રમાણે, કારમાં સવાર ચાર લોકો દારૂ પીધેલી હાલતમાં હોય તેમ જણાઇ આવતું હતું. હાલ તો પોલીસે સીસીટીવીને આધારે વધુ તપાસ હાથ ધરી છે મોડી રાત્રે કાળ બનીને આવેલી i20 કાર આ લોકો પર ફરી વળી જેમાં એકનું મોત નિપજ્યું જ્યારે હજુ પણ માસૂમ લોકો હાલ જીવન-મરણ વચ્ચે ઝોલાં ખાઈ રહ્યા છે.