દુર્ઘટના / ગુજરાતના એકસાથે 2 જિલ્લામાં ગેસ લિકેજની ઘટના, જુઓ VIDEO

• ઝઘડીયા GIDCમાં ગેસ લીકેજની ઘટના
• ગેસ લીકેજ થતા અફરાતફરીનો માહોલ

ભરૂચની ઝઘડીયા GIDCમાં ગેસ લીકેજની ઘટના સામે આવી છે. ઝઘડીયા GIDCની એક કંપનીમાં ગેસ લીકેજની ઘટના સર્જાઈ હતી. ગેસ લીકેજ થતા અફરાતફરીનો માહોલ સર્જાયો હતો. ફાયરની 2થી વધુ ગાડીઓ ઘટનાસ્થળે પહોંચી હતી. 

મહેસાણામાં એમોનિયા ગેસ લિકેજ

મહેસાણાની સરદાર ડેરીમાં એમોનિયા ગેસ લીકેજ થવાની ઘટના સર્જાઈ હતી. એમોનિયા ગેસ લીકેજ થતા અફરાતફરી મચી હતી. મહેસાણા RTO કચેરી પાછળ ડેરી આવેલી છે. ડેરીમાં એમોનિયા ગેસ લીકેજ થતા RTO કચેરીમાં દોડધામ થઈ હતી. RTO તરફ પવનના કારણે લોકોમાં દોડાદોડ થઈ રહી હતી. 15 મિનિટમાં લીકેજ લાઈનનો વાલ્વ બંધ કરી દેવાયો હતો. સમયસર વાલ્વ બંધ કરાતા મોટી જાનહાની ટળી હતી. 

મહારાષ્ટ્રમાં પણ સર્જાઈ હતી ગેસ લિકેજની ઘટના

મહત્વનું છે કે, 4 જૂનના દિવસે મહારાષ્ટ્રના બદલાપુરમાં ગેસ લીકથી અફરાતફરી મચી હતી. બદલાપુરની એક કંપનીમાં બની ગેસ લીકેજની ઘટના સર્જાઈ હતી. આસપાસના 3 કિલોમીટર વિસ્તારમાં ગેસ ફેલાયો હતો. ગેસ લીક થવાથી લોકોને શ્વાસ લેવામાં મુશ્કેલી પણ થઈ હતી.