ક્રાઈમ / અમરેલીમાં ધોળા દિવસે ફાયરિંગની ઘટના, રામજી મંદિર નજીક ફાયરિંગની ઘટના CCTV કેમેરામાં કેદ

• અમરેલીના રામજી મંદિર નજીક દરજીની દુકાનમાં ફાયરિંગ
• બુલેટ ઉપર આવેલા 3 શખ્સોએ ફાયરિંગ કર્યું
• ઈજાગ્રસ્ત દુકાનમાલિક હોસ્પિટલમાં સારવાર હેઠળ

અમરેલીના રામજી મંદિર નજીક એક ફાયરિંગની ઘટના બની છે. ફાયરિંગની આ ઘટના CCTV કેમેરામાં કેદ થઈ ગઈ હતી. મંદિર નજીક આવેલી દરજીની દુકાનમાં ફાયરિંગ થયું હતું. બિપીન ટેઈલર નામની દુકાનના માલિકને આ ઘટનામાં ઈજા પહોંચી છે. તેને સારવાર અર્થે સિવિલ હોસ્પિટલમાં ખસેડવામાં આવ્યો છે. CCTV ફૂટેજમાં દેખાઈ રહ્યું છે કે બુલેટ પર 3 શખ્સો આવ્યા હતા. જેમાંથી એક શખ્સે ફાયરિંગ કર્યું હતું. પ્રાથમિક તપાસ મુજબ પૈસાની લેતી દેતીમાં ફાયરિંગ થયું હોવાનું માનવામાં આવી રહ્યું છે. આ મામલે પોલીસને જાણ થતાં ઘટનાસ્થળે દોડી ગઈ હતી. અને CCTV ફૂટેજના આધારે તપાસ હાથ ધરી છે.