ગઈકાલે વસ્ત્રાલમાં તો આજે રિલીફ રોડ વિસ્તારમાં ફાયરિંગનો બનાવ, સલામત અમદાવાદના દાવા પર તમન્ચો
રિલીફ સિનેમા કોમ્પલેક્ષ નજીક સામસામે ફાયરિંગ થયુ
2થી 3 રાઉન્ડ ફાયરિંગ થતા વિસ્તારમાં દોડધામ
પોલીસે ઘટનાસ્થળે પહોચીને વધુ તપાસ હાથધરી
અમદાવાદ શહેરમાં 24 કલાકમાં ફરી ફાયરિંગની ઘટના સામે આવી છે. રિલીફ સિનેમા કોમ્પલેક્ષ નજીક સામસામે ગોળીબાર થતાં દોડધામ મચી હતી. 2થી 3 રાઉન્ડ ફાયરિંગ થયા હોવાનું અનુમાન છે. DCP, ACP સહિતના ઉચ્ચ પોલીસ અધિકારીઓ ઘટનાસ્થળે પહોંચ્યો હતો.
મયુદ્દિન પર ફાયરિંગ કરતા સામે પણ 2 રાઉન્ડ ફાયરિંગ
સાંજના સુમારે રિલીફ સિનેમા કોમ્પલેક્ષ નજીક મયુદ્દિન પર ફાયરિંગ કરતા સામે પણ 2 રાઉન્ડ ફાયરિંગ થયા હતા. ટુ વ્હીલર પર આવેલા 4 શખ્સોએ પહેલા હુમલો કર્યો હતો બાદમાં વળતાં જવાબમાં મયુદ્દિન નામના શખ્સે પણ સામે ગોળી ધરબી હતી. જો કે ઘટનામાં કોઈ જાનહાનીના સમાચાર નથી પણ ખુલ્લેઆમ 2 થી 3 રાઉન્ડ ફાયરિંગ થતાં સમગ્ર વિસ્તારમાં દોડધામ મચી હતી. લોકો ડરના ઓથાર હેઠળ ઘટનાને વાગોળી રહ્યા છે.
ગઈકાલે વસ્ત્રાલમાં થયું હતું ફાયરિંગ
અમદાવાદના વસ્ત્રાલ રીગ રોડ પાસે આવેલ વાત્સલ્ય હાઈટ માં રહેતા ઈશ્વર ઠાકોર નામનો યુવાન તેના પરિવારજનો સાથે રહે છે તેઓ તેમના ફ્લેટ માં સામાજિક પ્રસંગ હોવાથી તેઓ પાર્કિંગ એરિયા માં સફાઈ કામ કરાવી રહ્યા હતા એ દરમ્યાન પ્રદીપ રાજપૂત દ્વારા પાન ના ગલ્લા પાસે ઈશ્વર ઠાકોરને પાંચ મિનિટ માટે વાતચીત અર્થે બોલાવ્યો હતો એ દરમ્યાન પ્રદીપ રાજપૂતે ઈશ્વર ઠાકોર પાન ના ગલ્લે આવતાની સાથે જ તેની પર સીધું જ ફાયરિંગ કર્યું હતું યુવક પર પોઇન્ટ બ્લેનકનરેજ થઈ ગોળી માથામાં વાગતા તેને ગંભીર ઇજા થઇ હતી. જયારે બીજી તરફ પ્રદીપ રાજપૂત અને તેના સાગરીતો ત્યાંથી ફરાર થઇ ગયા હતા.