રાજ્યના બે મોટા શહેરોમાં દુષ્કર્મની ઘટના સામે આવી, વડોદરામાં બે સંતાનોની માતા સાથે વિધર્મી યુવકે આચર્યું દુષ્કર્મ તો અમદાવાદમાં પણ ચાલુ ટ્રેને એન્ટેન્ડેન્ટે સગીરાને બનાવી હવસનો ભોગ
રાજ્યના બે મોટા શહેરમાં દુષ્કર્મનો બનાવ
રાજધાની એક્સપ્રેસમાં સગીરા સાથે દુષ્કર્મ
એટેન્ડેન્ટે દુષ્કર્મ કર્યું હોવાનો ખુલાસો
આ તરફ અમદાવાદમાં પણ ચકચારી દુષ્કર્મની ઘટના સામે આવી છે. જેમાં ચાલુ ટ્રેનમાં સગીરા સાથે દુષ્કર્મ કરાયું હોવાની ફરિયાદ નોંધાઈ છે. રાજધાની એક્સપ્રેસમાં એટેન્ડેન્ટે સગીરા સાથે દુષ્કર્મ કર્યું હોવાનુ સામે આવતા ચકચાર મચી ગઈ છે એટેન્ડેન્ટે તેની કેબિનમાં લઈ જઈને સગીરા સાથે દુષ્કર્મ આચર્યું હતું. RPF ટીમે સગીરાની પૂછપરછ કરતા સમગ્ર મામલો સામે આવ્યો હતો જે બાદ એટેન્ડેન્ટની શોધ કરતા એટેન્ડેન્ટ મળી આવ્યો હતો અને તેની સામે કાલુપુર રેલવે પોલીસમાં ફરિયાદ નોંધાઈ હતી જો કે સમગ્ર કેસ જયપુર ટ્રાન્સફર કરી આરોપીને પણ ટ્રાન્સફર કરી દેવામાં આવ્યો છે.
વડોદરામાં બે સંતાનોની માતા સાથે દુષ્કર્મ
વડોદરામાં પરિણીતા સાથે દુષ્કર્મની ઘટના સામે આવી છે યુવકે પોતાનો ધર્મ છુપાવીને વારંવાર દુષ્કર્મ કર્યાની પોલીસ મથકમાં ફરિયાદ નોંધાઈ છે. મહત્વનું છે કે વિધર્મી યુવકે ઓળક છુપાવી સોશિયલ મીડિયામાં પરિણીતાને ફ્રેન્ડ રિક્વેસ્ટ મોકલી હતી અને બાદમાં તેની સાથે મિત્રતા કેળવ્યા બાદ તેને પ્રેમ જાળમાં ફસાવી હતી જે બાદ પરિણીતાને સયાજીગંજમાં આવેલી હોટલ તેમજ સુરતમાં તેના ઘરે લઈ જઈ વારંવાર દુષ્કર્મ આચર્યું હોવાનો ફરિયાદમાં ઉલ્લેખ કરાયો છે સાથે જ યુવક મારઝુડ કરાતો અને વીડિયો વાયરલ કરી દેવાની ધમકી આપતા હોવાનું પણ પરિણીતાએ જણાવ્યું છે.
SRPના જવાને વડોદરાની પરિણીતા કર્યું દુષ્કર્મ
એટલું જ નહીં પરિણીતાએ આરોપીના પરિવારજનો સામે પણ ફરિયાદ નોંધાવી છે જેમાં પરિવારજનોએ પરિણીતાને ધર્મ અંગીકાર કરવાનું કહેવામાં આવતું હોવાનું જણાઈ રહ્યું છે.આરોપી યુવક જામનગર SRPમાં ફરજ બજાવો હોવાનું પણ સામે આવ્યું છે. જે બે સંતાનોની માતા સાથે વારંવાર દુષ્કર્મ આચર્યું હોવાની ફરિયાદ નોંધાતા પોલીસ તપાસ હાથ ધરી છે.પોલીસ સુત્ર પાસેથી મળતી માહિતી પ્રમાણે મહિલાને ધર્મ માટે કોઈ દબાણ કરવામાં આવ્યું નથી. એટલે લવ જેહાદ મુજબ ગુનો નોંધવામાં આવ્યો નથી. પરંતુ આ બનાવની તપાસ દરમિયાન આ પ્રકારની કોઈ હકીકત બહાર આવશે તો તે મુજબ કાર્યવાહી કરવામાં આવશે.