ચાલો નિશાળે.. / ગુજરાતના 18 હજાર ગામોની સરકારી શાળામાં આજથી બાળકોનો પ્રવેશ, CM ભૂપેન્દ્ર પટેલે મેમદપુરમાં પ્રવેશોત્સવનો કરાવ્યો પ્રારંભ

• આજથી રાજ્યની શાળાઓમાં પ્રવેશોત્સવ
• સીએમના હસ્તે  મેમદપુર પ્રાથમિક શાળાએથી રાજ્યકક્ષાનો પ્રવેશોત્સવનો શુભારંભ
• જીતુુવાઘાણીએ આસજોલ પ્રાથમિક શાળા, બેચરાજીથી કરાવ્યો શુભારંભ

રાજ્યભરની શાળાઓ શરૂ થઇ ગઇ છે. નવા શૈક્ષણિક સત્રનો પ્રારંભ થઇ ગયો છે. ત્યારે આજથી રાજ્યની શાળાઓમાં પ્રવેશોત્સવ યોજાયો. જે 23 થી 25 જૂન સુધી ચાલશે. સીએમ ભૂપેન્દ્ર પટેલના હસ્તે 17મા શાળા પ્રવેશોત્સવની શરૂઆત કરવામાં આવી. મુખ્યમંત્રીએ બનાસકાંઠાની  મેમદપુર પ્રાથમિક શાળામાં પ્રવેશોત્સવ શરૂ કરાવ્યો.  આ પ્રસંગે સીએમ ભૂપેન્દ્ર પટેલે જણાવ્યું કે ગુજરાત દેશનું ગ્રોથ એન્જિન બન્યુ છે. ગુજરાતના છેવાડાના માનવી સુધી દરેક જણ મુખ્ય પ્રવાહમાં આવીને આગળ વધે તે કાર્ય પીએમ મોદીએ કર્યુ. 

18 હજાર ગામોની સરકારી શાળામાં કરાવાશે પ્રવેશ

આ 3 દિવસ દરમિયાન 18 હજાર ગામોની સરકારી શાળાઓમાં બાળકોને પ્રવેશ કરાવાશે. જેમાં 32 હજાર બાળકોને  13 સરકારી શાળાઓમાં પ્રવેશ કરાવવામાં આવશે. ઉલ્લેખનીય છે કે, વર્ષ 2002માં ધોરણ 1થી 8માં ડ્રોપઆઉટ રેશિયો 37.22 ટકા હતો, જે 20 વર્ષ બાદ ઘટીને 3.7 ટકા થયો છે. સાથે જ 2003-04માં પ્રાથમિક શાળાઓમાં બાળકોનો પ્રવેશ દર 75 ટકા હતો. જે વધીને 99.21 ટકા થયો છે. આ અંગે રાજ્યના શિક્ષણમંત્રી જીતુ વાઘાણીએ નિવેદન આપતા જણાવ્યું હતું કે અમારૂં લક્ષ્ય રાજ્યના પ્રાથમિક વર્ગોમાં 100 ટકા બાળકોની નોંધણીનું છે. 

Koo App

Live: બનાસકાંઠા જિલ્લાના વડગામ તાલુકાની મેમદપુરા પ્રાથમિક શાળાથી રાજ્યવ્યાપી શાળા પ્રવેશોત્સવની 17મી શૃંખલાનો શુભારંભ કરાવતા માનનીય મુખ્યમંત્રી ભૂપેન્દ્રભાઈ પટેલ. #ShalaPraveshotsav2022 CM launches 17th edition of Shala Praveshotsav from Memadpura primary school in Banaskantha

View attached media content

- CMO Gujarat (@CMOGujarat) 23 June 2022

શિક્ષણમંત્રીએ મહેસાણામાં કરાવ્યો શાળા પ્રવેશોત્સવ

તો આ તરફ શિક્ષણમંત્રી જીતુ વાઘાણી પણ પ્રવેશોત્સવ કાર્યક્રમમાં જોડાયા હતા.મહેસાણાના આસજોલ ગામની પ્રાથમિક શાળા તેમજ બહુચરાજીમાં  પ્રવેશોત્સવ કરાવ્યો હતો. આ દરમિયાન તેમણે ગુજરાતનવા ગામડાઓમાં શિક્ષણનું સ્તર વધ્યાનું નિવેદન આપ્યું હતું. ઉલ્લેખનીય છે કે, આજથી 3 દિવસ સુધી શાળામાં પ્રવેશોત્સવની ઉજવણી કરવામાં આવશે.

પ્રધાનમંત્રીશ્રી @narendramodiજી દ્વારા શિક્ષણમાં તેમજ કન્યા કેળવણીમાં ગુજરાત આગળ ધપે અને સાક્ષરતાનું પ્રમાણ વધે તે માટે વર્ષ 2003થી શાળા પ્રવેશોત્સવ શરૂ કરાવવામાં આવ્યો હતો જેની 17મી શૃંખલાના ભાગરૂપે આસજોલ પ્રાથમિક શાળા, બેચરાજીથી #ShalaPraveshotsav2022 નો શુભારંભ કરાવ્યો. pic.twitter.com/bpGFDe0bdx

— Jitu Vaghani (@jitu_vaghani) June 23, 2022

મહેસૂલ મંત્રીએ વડોદરમાં કરાવ્યો શાળા પ્રવેશોત્સવ 

તો આ તરફ મહેસૂલ મંત્રી રાજેન્દ્ર ત્રિવેદીએ વડોદરાથી શાળા પ્રવેશોત્સવ કાર્યક્રમની શરૂઆત કરાવી હતી. વડોદરાની છાણી સ્થિત મહાવીર સ્વામી પ્રાથમિક શાળા ખાતે કેબિનેટ મંત્રી રાજેન્દ્ર ત્રિવેદીએ પ્રવેશોત્સવની શરૂઆત કરાવી. તેમણે પ્રથમ દિવસે 20 બાળકોને પ્રવેશ કરાવી શિક્ષકોને ટકોર કરી હતી.

મનનીય નરેન્દ્રભાઈએ ગુજરાતને ગ્રોથ એન્જીન બનાવવા માટે શાળા પ્રવેશોત્સવની શરૂઆત કરી હતી. - મુખ્યમંત્રી શ્રી ભૂપેન્દ્રભાઇ પટેલજી@narendramodi @PMOIndia@Bhupendrapbjp @CMOGuj#ShalaPraveshotsav2022 pic.twitter.com/DY4lV17yR1

— Rajendra Trivedi (@trajendrabjp) June 23, 2022

મહેસૂલ મંત્રીએ શિક્ષકોને કરી ટકોર

 તેમણે કહ્યું કે, હું આજે સમયસર શાળામાં આવ્યો છું. આવી જ રીતે શિક્ષકોએ સમયસર આવવું જોઈએ. વધુમાં તેમણે જણાવ્યું કે, શિક્ષકો પોતાના બાળકોને ખાનગી શાળામાં મૂકે છે. આવું કરવાને બદલે સરકારી શાળામાં સારૂં શિક્ષણ આપવું જોઈએ. આ બાળકોની માતા-પિતાની જેમ શિક્ષકોએ કાળજી રાખવી જોઈએ.