ખાનગી સ્કૂલોને પણ માત આપે તે દિશામાં અમદાવાદ મ્યુનિસિપલ કોર્પોરેશન આગળ વધી રહ્યું છે, કોર્પોરેશન દ્વારા બહેરામપુરા વિસ્તારમાં સ્માર્ટ મોર્ડન સ્કૂલ તૈયાર કરવામાં આવી છે
સ્માર્ટ સ્કૂલનો પ્રારંભ
બહેરામપુરામાં AMCની સ્માર્ટ સ્કૂલ બની
ખાનગી શાળાને ટક્કર મારે તેવી ટેકનોલોજી
અમદાવાદમાં AMCની સ્માર્ટ સ્કૂલનો પ્રારંભ થયો છે. બહેરામપુરામાં AMCની અદ્યતન ટેકનોલોજી સાથેની સ્માર્ટ સ્કૂલ બની છે. હવે વિદ્યાર્થીઓ લેપટોપથી અભ્યાસ કરી શકશે. બ્લેક બોર્ડ નહીં પરંતુ સ્માર્ટ સ્ક્રીનથી વિદ્યાર્થીઓ અભ્યાસ કરશે. 15 દિવસમાં 18 હજાર વિદ્યાર્થીઓએ પ્રવેશ લીધો છે. ખાનગી સ્કૂલોને પણ માત આપે તે દિશામાં અમદાવાદ મ્યુનિસિપલ કોર્પોરેશન આગળ વધી રહ્યું છે. કોર્પોરેશન દ્વારા બહેરામપુરા વિસ્તારમાં સ્માર્ટ મોર્ડન સ્કૂલ તૈયાર કરવામાં આવી છે. જેમાં સ્માર્ટ ક્લાસથી લઈને લેબ અને સ્માર્ટ ગૂગલ કલાસની સાથે-સાથે પ્લેટોરિયમ ડોમ પણ તૈયાર કરાયો છે. જે ગુજરાતમાં પ્રથમ છે. અમદાવાદ મ્યુનિસિપલ સ્કૂલ બોર્ડની સરકારી સ્કૂલો હવે સ્માર્ટ બની રહી હોવાથી હવે સરકારી સ્કૂલોમાં એડમિશન માટે લાંબી લાઈનો લાગી રહી છે.
કોઈપણ વાલી પોતાના બાળકના એડમીશન માટે કેવા પ્રકારની સુવિદ્યા જુવે છે. જેમાં સ્માર્ટ કલાસ હોય, કોમ્પ્યુટર રૂમ હોય કે પછી સારી લેબોરેટરી હોય. આ તમામ પ્રકારની સુવિધા સ્કૂલમાં હોય તો ક્યાં વાલી પોતાના બાળકને ખાનગી સ્કૂલમાં ઊંચી ફી ભરીને અભ્યાસ કરવા મોકલે ? અમદાવાદ સ્કૂલ બોર્ડ દ્વારા બહેરામપુર શાળા નમ્બર 22-23ને સ્માર્ટ મોર્ડન સ્કૂલ તૈયાર કરવામાં આવી છે. જેમાં વિદ્યાર્થીઓને તમામ પ્રકારની સુવિદ્યા મળી રહેશે. એટલું જ નહીં બહેરામપુરા સાથે અમદાવાદના વિવિધ વિસ્તારોમાં અત્યારે 8 સ્માર્ટ સ્કૂલો કાર્યરત છે અને અન્ય બે સ્કૂલો ટુંક સમયમાં શરુ થશે.
ખાનગી સ્કૂલમાંથી સરકારી શાળાઓમાં આવવાનો સિલસિલો પણ વધ્યો છે અને સાત વર્ષમાં અમદાવાદ કોર્પોરેશન સ્કૂલ બોર્ડની શાળાઓમાં 36,264 કરતા વધુ વિદ્યાર્થીઓ ખાનગી સ્કૂલમાંથી સરકારી શાળાઓમાં આવ્યા છે. આ આંકડો સરકારી સ્કૂલની સુધરતી પરિસ્થિતિ અને ખાનગી સ્કૂલની મોંધી ફી દર્શાવી રહ્યો છે. અત્યારે સરકારી સ્કૂલમાં એડમિશન માટે વેઈટીંગ જોવા મળી રહ્યું છે.
કોર્પોરેશન દ્વારા સરકારી શાળામાં ધોરણને અનુરૂપ કલાસ તૈયાર કરવામાં આવ્યા છે. પેહલા ધોરણના વિદ્યાર્થીને કઇ કક્ષાનું જ્ઞાન આપવુ જોઈએ તે મુજબના કલાસ તૈયાર કર્યા છે. વિદ્યાર્થીઓની સુવિધાઓનું પણ ચોક્કસ ધ્યાન સ્કૂલ તૈયાર કરતી વખતે રાખવામાં આવ્યું છે. પ્રથમવાર ક્લાસમાં ફાયર બોલ રાખવા આવ્યા છે. જેથી આગ લાગે તો બોલ થ્રો કરીને આગ પાર કાબૂ મેળવી શકાય છે. સાથે સાથે ક્લાસને CCTVથી સજ્જ કરવામાં આવ્યા છે. સાથે સાથે જે આધુનિક લેબ તૈયાર કરાઈ છે. તેમાંતો તમામ ધોરણમાં પુસ્તકમાં ભણવાતા મેથ્સ અને સાયન્સને આવરી લેવાયા છે.