ચીઝનું રો-મટીરીયલ કર્ણાટકથી મંગાવવામાં આવતું હતું હવે નવો પ્લાન્ટ બનતા ચીઝ-સોસનો ઉત્પાદન ખર્ચ ઘટશે
બરોડા ડેરીના 2 પ્લાન્ટનું લોકાર્પણ
રાજ્યના સહકાર મંત્રી જગદીશ પંચાલના હસ્તે લોકાર્પણ
57 કરોડના ખર્ચે બન્યા પ્લાન્ટ
બરોડા ડેરીમાં રૂ.57 કરોડના ખર્ચે બનેલ બે પ્લાન્ટ હાઇસ્પીડ પેકિંગ અને ચીઝના રો-મટીરીયલનું રાજ્યના સહકાર મંત્રી જગદીશ પંચાલના હસ્તે લોકાર્પણ કરવામાં આવ્યું. આપને જણાવી દઈએ કે પહેલા ચીઝનું રો-મટીરીયલ કર્ણાટકથી મંગાવવામાં આવતું હતું પરંતુ હવે બરોડા ડેરીમાં નવો પ્લાન્ટ બનતા ચીઝ-સોસનો ઉત્પાદન ખર્ચ ઘટશે.
વડોદરાના પશુપાલકોને ફાયદો થશે: જગદીશ પંચાલ, સહકાર મંત્રી, રાજ્ય સરકાર
આ પ્રંસગે રાજ્યના સહકાર મંત્રી જગદીશ પંચાલે નિવેદન આપતા કહ્યું કે પીએમ મોદીએ સહકારથી આજે ગુજરાતની અંદર સહકારી પ્રવૃતિ ખૂબ જ મજબૂતાઈથી આગળ વધી રહી છે. આજે વડોદરા ખાતે બરોડા ડેરી દ્વારા 57 કરોડના ખર્ચે હાઇસ્પીડ પેકિંગ અને ચીઝના રો-મટીરીયલનો પ્લાન્ટ સ્થાપવામાં આવ્યો છે. ત્યારે આવનારા દિવસોમાં ખેડૂતો જે રીતે ખેત પેદાશમાં આગળ આવી ગયા છે તેવી જ રીતે ગુજરાત દૂધ ઉત્પાદનમાં નંબર વન છે. અમૂલનું પ્રોડક્શન વિશ્વભરમાં પ્રખ્યાત છે. તેવી જ રીતે બરોડા ડેરીને આગળ ધપાવવા તેમજ વડોદરાના પશુપાલકોને મોટો લાભ તે હેતુથી આ પ્લાન્ટ સ્થાપવામાં આવ્યો છે. ત્યારે આવનારા દિવસોમાં લોકોને ઉત્તમ દૂધ અને ચીઝ બરોડા ડેરીનું મળી રહેશે.
વધુમાં તેઓએ કહ્યું કે દેશના વડાપ્રધાન ઈચ્છી રહ્યા છે કે વન ડિસ્ટ્રીટ વન પ્રોડક્ટ વખણાતી થાય, તેના ભાગરૂપે અલગ અલગ જિલ્લામાં જે ખેત પેદાશોનો અને તેની બાય પ્રોડક્ટ પર કામ કરી લોકોને સારી ગુણવત્તા વાળી વસ્તુઓ ઝડપથી મળી રહે તે પ્રમાણે કામ કરવામાં આવી રહ્યું છે.