બિહારના પટણામાં રેલવે સ્ટેશન પર થયેલા પોર્નકાંડમાં મોટો ખુલાસો થયો છે.
બિહારના પટણાના રેલવે સ્ટેશન પર બની નામોશીભરી ઘટના
ખીચોખીચ ભરેલા સ્ટેશનની એલઈડી સ્ક્રીન પર ચાલુ થઈ બ્લૂ ફિલ્મ
પ્રવાસીઓને નીચે જોવું પડે તેવો ઘાટ થયો
બિહારની રાજધાની પટનામાં વિશ્વસ્તરીય પટના જંક્શન પર રવિવારે ટ્રેનની રાહ જોઈ રહેલા મુસાફરોને પોતાના પરિવારના લોકોની સામે ખૂબ જ શરમજનક સ્થિતીમાં મુકાવું પડ્યું. પટના જંક્શન પર લાગેલી LED ટ્રેનોને ટાઈમ ટાઈમ ટેબલે કે ટ્રેન સંબંધિત માહિતી દેખાડવાને બદલે પોર્ન વીડિયો દેખાડવાનું શરુ કરતાં પ્રવાસીઓમાં હડકંપ મચ્યો હતો.
રવિવારે થોડી સેકન્ડો પૂરતી ચાલી અશ્લીલ ફિલ્મ
રવિવારે દિવસમાં થોડી વાર સુધી પટના જંક્શન પ્લેટફઓર્મ નંબર 10 પર લાગેલા ટીવી સ્ક્રીનમાં અશ્લીલ ફિલ્મો ચાલવા લાગી. જે સમયે એલઈડી પર બ્લૂ ફિલ્મ ચાલી રહી હતી તે સમયે પ્લેટફોર્મ પર ભારે ભીડ જમા થયેલી હતી. લોકો પોતાના પરિવાર સાથે ટ્રેનની રાહ જોઈ રહ્યા હતા. અચાનક અશ્લીલ ફિલ્મ બતાવતા પ્લેટફોર્મ પર હાજર લોકો શરમમાં મુકાઈ ગયા.
કેવી રીતે ચાલુ થઈ ગઈ બ્લૂ ફિલ્મ
બ્લૂ ફિલ્મ ચાલુ કરી દેનાર બીજું કોઈ નહીં પરંતુ રેલવેના કર્મચારીઓ હતા. હકીકતમાં રવિવાર હોવાથી કર્મચારીઓ મજાના મૂડમાં હતા અને તેથી કેટલાક ઓફિસની અંદર બ્લૂ ફિલ્મ જોઈ રહ્યાં હતા પરંતુ તેમને ખબર ન રહી અને તેનો વીડિયો બહાર લાગેલી એલઈડી સ્ક્રીન પર ચાલુ થઈ ગયો હતો જે પછી પ્રવાસીઓમાં હોબાળો મચ્યો હતો.
આ ઘટના બાદ જાહેરાત એજન્સીએ કંટ્રોલમાં દરોડા પાડ્યા તો, કેટલાય કર્મચારીઓ બ્લૂ ફિલ્મ જોઈ રહ્યા હતા. જો કે આરપીએફને જોતા જ કંટ્રોલ રુમમાં બેઠેલા કર્મચારીઓએ તાત્કાલિક આ વીડિયો ડિલીટ કરી નાખ્યા.
પોલીસમાં ફરિયાદ દાખલ થઈ
ઘટનાની જાણકારી મળતા જ મંડલ રેલ મેનેજમેન્ટ પ્રભાત કુમાર દ્વારા તેને ગંભીરતાથી લેતા સંબંધિત એજન્સી દત્તા કમ્યુનિકેશન વિરુદ્ધ આરપીએફ પોસ્ટમાં ફરિયાદ નોંધાવામાં આવી. મંડલ રેલ મેનેજમેન્ટ પ્રભાત કુમાર દ્વારા જણાવવામાં આવ્યું કે, આ ઘટનાની જાણકારી મળી છે. આ મામલામાં કડક કાર્યવાહી કરવાના નિર્દેશ આપ્યા છે. સંબંધિત એજન્સી વિરુદ્ધ આરપીફ પોલીસ સ્ટેશનમાં કેસ નોંધ્યો છે. એજન્સી વિરુદ્ધ દંડ પણ ફટકાર્યો છે અને તેને હાટવી બ્લેક લિસ્ટમાં નાખી દેવામાં આવી છે.