વરસાદના પગલે હરણાવ નદીમાં ઘોડાપુર, નદી 2 કાંઠે વહેતા ગામડાઓ પર પણ જોખમ
સરસવ ગામ સહિતનો સ્થાનિક વિસ્તાર બેટમાં ફેરવાયો, નદીના પાણી સરસવ શાળામાં ઘૂસ્યા
હવામાન વિભાગની આગાહી મુજબ સાબરકાંઠાના વિજયનગરમાં ભારે વરસાદ પડયો છે. જેને કારણે ભારે વરસાદથી હરણાવ નદીમાં ઘોડાપૂર આવ્યા છે. આ તરફ હરણાવ નદી 2 કાંઠે વહેતા સરસવ ગામ બેટમાં ફેરવાયું છે. આ સાથે નદીના પાણી સરસવ ગામની શાળામાં ઘૂસ્યા છે. નોંધનિય છે કે, ગઈકાલે જ હવામાન વિભાગે ઉત્તર ગુજરાતમાં વરસાદની આગાહી કરી હતી.
વિજયનગરમાં છેલ્લા 24 કલાકમાં 6 ઈંચ વરસાદ
સાબરકાંઠાના વિજયનગરમાં છેલ્લા 24 કલાકમાં 6 ઇંચ વરસાદ ખાબકી જતાં જ્યાં જુઓ ત્યાં પાણી જ પાણી દેખાઈ રહ્યું છે. આ તરફ ભારે વરસાદના આગમન બાદ હરણાવ નદીમાં ઘોડાપુર આવ્યા છે. હરણાવ નદી 2 કાંઠે વહેતા ગામડાઓ પર પણ જોખમ ઊભું થયું છે. જેને લઈ સરસવ ગામ સહિતનો સ્થાનિક વિસ્તાર બેટમાં ફેરવાયો છે. ભારે વરસાદને કારણે હરણાવ નદીમાં આવેલા ઘોડાપુરના પાણી સરસવ પ્રાથમિક શાળામાં ફળી વળ્યા હતા.
હવામાન વિભાગે ગઈકાલે જ કરી હતી વરસાદની આગાહી
હવામાન વિભાગે ગઈકાલે રાજ્યમાં ફરી એકવાર વરસાદી માહોલ જામશે તેવી આગાહી કરી હતી. જેમાં રાજ્યના ઉત્તર ગુજરાત અને સૌરાષ્ટ્રમાં વરસાદનું આગમન થશે તેવુ જણાવ્યું હતું. જેથી સાબરકાંઠા, બનાસકાંઠા, મહેસાણા, અરવલ્લીમાં વરસાદનું આગમન થયું હતું.