BIG NEWS / હવે કેન્દ્ર સરકાર આકરા પાણીએ, કોરોનાને લઈને રાજ્યો માટે ગાઈડલાઇન જાહેર

• કોરોના વાયરસનાં ભારતમા વધતાં કેસ 
• કેન્દ્ર સરકારે ફરી રાજ્યોને આપ્યા નિર્દેશ 
• ઑકિસજનનો સ્ટોક કરી રાખવા આદેશ 

કેન્દ્રએ ફરી રાજ્યોને આપ્યા મોટા આદેશ 
દેશમાં કોરોના વાયરસનાં કેસમાં દિવસેને દિવસે વધારો નોંધાઈ રહ્યો છે. દેશના તમામ રાજ્યો હાલ તો ત્રીજી લહેરના ઝપેટમાં આવી ગયા છે ત્યારે કેન્દ્ર સરકાર પણ આ વખતે બીજી લહેરની તુલનામાં વધારે એક્ટિવ દેખાઈ રહી છે. કેન્દ્ર સરકાર દ્વારા દેશના તમામ રાજ્યોને એક બાદ એક અનેક વખતે દિશા-નિર્દેશ અને કડક આદેશો આપવામા આવી રહ્યા છે અને એક એક મુદ્દા પર ગાઈડલાઇન આપવામાં આવી રહી છે. 

ઓક્સિજનનો 48 કલાકનો બફર સ્ટોક રાખો 
કેન્દ્ર સરકારે ઓમિક્રૉનનાં ખતરાને જોતાં તમામ રાજ્યોને મેડિકલ ઑક્સીજનનો બફર સ્ટોક કરી રાખવા માટે આદેશ આપ્યા છે. કેન્દ્ર સરકારે પત્ર લખીને કહ્યું છે કે ઓછામાં ઓછા 48 કલાક માટે તો મેડિકલ ઑક્સીજનનો બફર સ્ટોક હોવો જ જોઈએ. અને કોઈ પણ અડચણ વગર ઑક્સીજનની સપ્લાય કરવામાં આવે. 

ઑક્સીજન સિલિન્ડર ભરીને તૈયાર જ રાખો 
આ સિવાય ઑક્સીજન સિલિન્ડરની વ્યવસ્થા, તેની યાદી સહિતના કામો અત્યારથી કરી લેવા માટે સૂચના આપવામાં આવી છે અને તેમાં યોગ્ય રીતે ઑક્સીજન રિફિલ કરી શકાય તેનું ધ્યાન રાખો તથા અત્યારે જેટલા સિલિન્ડર હોય તે ભરીને તૈયાર રાખવા માટે સૂચના આપવામાં આવ આવી છે. આ સિવાય તમામ રાજ્યોને લાઈફ સપોર્ટ સિસ્ટમ માટે પણ યંત્રો તૈયાર રાખવા કહેવામાં આવ્યું છે. 

દેશમાં છેલ્લા 24 કલાકમાં કોરોનાના 1,94,720 નવા કેસ સામે આવ્યા 
દેશમાં કોરોના બેકાબૂ ઝડપે વધી રહ્યો છે. છેલ્લા 24 કલાકમાં કોરોના વાયરસના 1,94,720 નવા કેસ સામે આવ્યા છે જ્યારે 442 લોકોના મોત થયા છે. જો કે, આ સમય દરમિયાન 60406 કોરોના દર્દીઓ સાજા થયા છે. આ પછી દેશમાં કોરોનાના કુલ કેસ વધીને 3 કરોડ 60 લાખ 510 થઈ ગયા છે જ્યારે સક્રિય દર્દીઓની સંખ્યા વધીને 9 લાખ 55 હજાર 319 થઈ ગઈ છે.જ્યારે ઓમિક્રોનના કેસ વધીને 4868 થઈ ગયા છે.

દેશમાં અત્યાર સુધી કોરોના કારણે 4.84 લાખથી વધુ લોકોએ જીવ ગુમાવ્યા 
દેશમાં કોરોના મહામારીને કારણે અત્યાર સુધીમાં કુલ 4 લાખ 84 હજાર 655 લોકોએ જીવ ગુમાવ્યા છે. કોરોનાની આ ગતિ વચ્ચે રસીકરણ અભિયાન જોરશોરથી ચાલી રહ્યું છે. અત્યાર સુધીમાં 153 કરોડથી વધુ રસીકરણ કરવામાં આવ્યું છે.

દેશમાં કુલ 9.47 લાખ એક્ટિવ કેસ છે
દેશમાં એક્ટિવ કેસની સંખ્યા પણ 9 લાખને પાર થઈ ગઈ છે. મંગળવારે એક્ટિવ કેસોમાં 1.32 લાખનો વધારો થયો હતો. હવે દેશમાં કુલ 9.47 લાખ એક્ટિવ કેસ છે. આ દરમિયાન મુંબઈ 1 લાખથી વધુ એક્ટિવ કેસ સાથે દેશનું પ્રથમ મહાનગર બન્યું છે. એક્ટિવ કેસની વાત કરીએ તો મહારાષ્ટ્ર પછી પશ્ચિમ બંગાળ દેશમાં 1 લાખની સંખ્યાવાળું દેશનું બીજું રાજ્ય બન્યું છે. મુંબઈમાં કુલ 1 લાખ 523 એક્ટિવ કેસ છે.