હનીટ્રેપ / વોટસએપ પર કોઈ અજાણી મહિલાનો મેસેજ આવે તો ચેતજો, વાપીના યુવક સાથે જુઓ શું બન્યું

• વાપીમાં હનીટ્રેપ કરતી ગેંગ સક્રિય
• એક મહિલા અને એક પુરૃષએ યુવકને હની ટ્રેપમાં ફસાવ્યો
• પતાવટ માટે માગ્યા 5 લાખ રૂપિયા

ગુજરાતના વાપીમાં વધુ એક હનીટ્રેપનો કિસ્સો સામે આવ્યો છે. અલગ અલગ રીતે હુસ્નની જાળ ફેકી યુવકોને ટાર્ગેટ કરવામાં આવી રહ્યા છે. વાપીમાં પણ કઈક આવું જ બન્યું વાપીમાં હેતા એક યુવકની મિત્રતા વોટ્સએપ ઉપર એક મહિલા સાથે થઇ હતી. વાત થઈ મેસજ થયા, અંગત પળો પર ઓનલાઈન માણી ઘરે બોલાવી વીડિયો ઉતારવામાં આવ્યો અને અચાનક જ બધુ જ બદલાઇ ગયું, રેકોર્ડીંગ કરી યુવને ધમકાવવામાં આવ્યો. ઘટના બની ત્યાર સુધી યુવકએ વાતથી અજાણ હતો કે આ હુસ્નની જાળ ફેકવામાં આવી છે, જેમાં તે પૂરેપૂરો ફસાઈ ગયો હતો. 

પતાવટ માટે માગ્યા 5 લાખ રૂપિયા
મહિલાએ યુવકને વાપીના એક ફ્લેટમાં બોલાવી તેની સાથે અંગત પળો માણતો એક વીડીયો ઉતાર્યો હતો. જે બાદ યુવક પાસેથી રૂ.5 લાખની માંગણી કરી જો રૂપિયા ન આપે તો તેના પરિવારને આ વીડિયો બતાવી દેવાની ધાક ધમકી આપી હતી. હનીટ્રેપમાં બધી જ રીતે ફસાઈ ચૂકેલા યુવકે આખરે સમગ્ર મામલે પોલીસને જાણ કરી હતી.વાપી ટાઉન પોલીસ સ્ટેશનમાં મહિલા અને એક પુરૂષ સામે ફરિયાદ નોંધાવી હતી.

કઈ રીતે યુવક હનીટ્રેપમાં ફસાયો
વાપી ટાઉન પોલીસની હદમાં રહેતા એક યુવકને થોડા સમય પહેલા વૉટ્સએપ પર કોઈ મહિલાનો મેસેજ આવ્યો હતો. નંબરની ખરાઈ કરતાં કોઈ મહિલાનો નંબર નીકળ્યો હતો. જે બાદ યુવક પણ લાલચે મહિલા સાથે વાતો કરતો થઈ ગયો હતો. બંને વચ્ચે ગાઢ સંબંધ બંધાઈ ગયા હતા અને યુવક કઈ પણ જાણ્યા જોયા વગર તેના પ્રેમમાં પડી ગયો હતો. યુવકને વિશ્વાસમાં લીધા બાદ થોડા સમય પહેલા જ મહિલાએ તેને વાપીના એક ફ્લેટમાં બોલાવ્યો હતો. જ્યાં અંગત પળ માણતો એક વીડિયો ઉતાર્યો હતો. પણ તે બાદ મહિલાએ અચાનક રંગરૂપ બદલ્યા હતા. અને તેની સાથે રહેલા આરોપી પુરુષની સાથે મળી વીડિયો પરિવારને બતાવી દેવાની ધમકી આપી રૂ. 5 લાખની માંગણી કરી હતી.

(નોંધ: ફોટામાં રહેલા આઘેડ આરોપીએ યુવકને મહિલા સાથે મળી ફસાવ્યો)

યુવકે હિંમત કરી પોલીસને જાણ કરી
યુવક પાસે 5 લાખ રૂપિયા ન હતા. તેથી તે મુઝવાયેલી હાલતમાં શુક્રવારે તે વાપી ટાઉન પોલીસ મથકે પહોંચ્યો હતો અને પોલીસ સમક્ષ સમગ્ર બનાવની જાણ કરી હનીટ્રેપમાં ફંસાવનારી આરોપી મહિલા તેમજ તેને મદદ કરનાર એક પુરુષ સામે ફરિયાદ નોંધાવી હતી. જે બાદ પોલીસે કાર્યવાહી કરતા એક આરોપી આધેડની ધરપકડ કરી હતી. મુખ્ય આરોપી મહિલાને ઝડપવા પોલીસે ચક્રો ગતિમાન કર્યા છે.

હની ટ્રેપથી કેવી રીતે બચશો? 

• વિશ્વાસપાત્ર એપ ન હોય તો તેમાં કોઈ પ્રકારના પૈસા ભરશો નહીં
• કોઈ પર એપ પર મળેલી સ્ત્રી મિત્ર પર એકદમ ભરોસો કરશો નહીં
• કોઈપણ અજાણી જગ્યાએ મળવા બોલાવે તો તમે જાતે વિચારો
• પહેલી જ મુલાકાતમાં રૂમમાં લઈ જાય તેને કેવી રીતે સમર્થન આપશો?
• ખોટા ઈરાદે જશો તો આ પ્રકારે ભોગવવાનો વારો આવશે
• દેશભરમાં આ પ્રકારની અનેક ઓનલાઈન એપ અને ગેંગો છે સક્રિય
• દરેક ઓનલાઈન એપમાં છૂપાઈ છે આ પ્રકારની ગેંગ
• સતર્કતા રાખશો તો તમે અને પરિવાર રહેશે સુરક્ષિત