પિશાચી કૃત્ય / વલસાડની કાળજું કંપાવનારી ઘટના, પત્નીનું માથું વાઢી હાથમાં લઈને બજારમાં ફર્યો પતિ.

• વલસાડના વાપી પાસે હિચકારી ઘટના 
• પિશાચી પતિએ રહેંસી નાખી પત્નીને 
• શ્કાના કીડાએ પીમ્ખ્યો પરિવારનો માળો 

લગ્નજીવનના સુખી સંસારમાં જ્યારે શંકાનો કીડો સળવળે ત્યારે તે કેવો અંજામ આપે છે તેના અગણિત દાખલાઓ મોજૂદ છે પણ આ શકાનો કીડો કેટલી હદ સુધીની મનોવિકૃતિનું કારણ  બને છે.તેવી એક કાળજું કંપાવી દેતી ઘટના વલસાડ જિલ્લાના વાપી ડુંગરી ફળીયામાં બન્યો છે. બે-રહેમ બનેલા એક  શખ્સે પોતાની પત્નીનું ગળું ઘારદાર છરાથી રહેંસી નાખી મધરાતે મસ્તક હાથમાં લઇ રસ્તે રખડતો જોવા મળતા ભારે અરેરાટી ફેલાઈ હતી.આ પિશાચી શખ્સ ગણતરીના કલાકોમાં જ પોલીસના હાથે ઝડપાઈ ગયો હતો.

શંકાનો સળવળ્યો કીડો  

વાપીના નાના એવા ડુંગરી ફળિયાની હચમચાવી નાખનાર ઘટનામાં નરાધમ-પિશાચી શખ્સ પોતાની પત્ની પર છેલ્લા કેટલાક સમયથી આશંકા ધરાવતો હતો. પત્નીના ચાલ-ચલન અને વ્યવહાર અંગે તેના મનમાં શંકાનો કીડો સળવળ્યો. હિન્દી સ્કૂલ પાસે આહિરવાડ વિસ્તારમાં રહેતો લક્ષ્મીકાંત વિશ્વકર્મા પત્ની સાધના દેવી સાથે રહેતો હતો.. વાપીની એક કંપનીમાં કામદાર તરીકે કામ કરતો લક્ષ્મીકાંત  છેલ્લા કેટલાક સમયથી પત્નીના અન્ય  યુવક સાથેના આડાસંબંધ મામલે ઝઘડા કરતો હતો. લાંબા સમયથી એકને એક વાત પર ચાલતા કંકાસ બાદ રોષમાં આવેલા પતિએ પોતાની પત્નીના આડાસંબંધના વહેમમાં તેનું છરી વડે ક્રૂરતાપૂર્વક ગળું કાપી અને ધડથી અલગ કરી દીધું હતું. પોતાની પત્ની ની હત્યા કર્યા બાદ હેવાન પતિની હેવાનિયત આટલેથી જ અટકી ન હતી.લક્ષ્મીકાંત પોતાની પત્નીનું મસ્તક હાથમાં લઇ અને તેના ઘરની આસપાસના વિસ્તારના થોડા સમય સુધી ફર્યો હતો.મોડી રાત્રે પોતાની પત્નીના મસ્તક સાથે સમગ્ર વિસ્તારમાં ફરી રહેલા આરોપીને જોઈ વિસ્તારમાં ચકચાર મચી ગઇ હતી.. જોકે આરોપી લક્ષ્મીકાંત  જે ચાલીમાં રહેતો હતો તેના ચાલી કે આ દ્રશ્ય જોતાં તેણે તાત્કાલિક ડુંગરી પોલીસને જાણ કરી હતી..

ક્રુરતાપૂર્વકની  ઘટના નજરે જોઈ 

ડુંગરી ફળીયા વિસ્તાર માં  મેઇન  રોડની બાજુમાં મચ્છી માર્કેટના નાળા પાસે  રાત્રિના એક વાગે એક અજાણી સ્ત્રીનું માથુ કપાયેલી હાલતમાં પડ્યા હોવાની માહિતી મળતા ડુંગરા પોલીસ મથકના પીઆઇ ડી.એમ.ઢોલ સ્ટાફ સાથે સ્થળ ઉપર પહોંચ્યા હતા. મૃતકની ઓળખ સાધનાદેવી તરીકે અને તે તેના પતિ લક્ષ્મીકાંત ઉર્ફે ભોલા મુચકુંદલાલ વિશ્વકર્મા સાથે રહેતી  હોવાનું બહાર આવ્યું હતું. પતિ લક્ષ્મીકાંતને પોતાની પત્નીના ચારિત્ર્ય ઉપર શક વહેમ હોય જેને લઇ બંને વચ્ચે ઝઘડો થતા આરોપી પોતાની પત્નીનું તિક્ષ્ણ છરાથી ગળું કાપી નાખી મોત નિપજાવ્યા બાદ ધડથી મસ્તકને અલગ કરી ઓળખ ન થાય તે હેતુથી મસ્તકને મચ્છીમાર્કેટના નાળા પાસે ફેકી દઇ પુરાવાનો નાશ કરી ફરાર થઇ ગયો હતો..ડુંગરા  પોલીસે સમગ્ર વિસ્તારમાં નાકાબંધી કરી અને  હત્યારા પતિની ધરપકડ  માટે દોડ ધામ  કરી હતી. અને ગણતરીના સમયમાં જ પોલીસની મહેનત રંગ લાવી અને પત્નીનું ક્રૂરતાપૂર્વક હત્યા કરી તેનો મસ્તકને ધડથી અલગ કરી ગટરમાં ફેંકી દેનાર પતિને દબોચી લીધો હતો. અને તેને સળિયા પાછળ ધકેલી દીધો હતો..

પોલીસે દબોચી લીધો આરોપીને 

 લક્ષ્મીકાંતના લગ્ન સાધના સાથે 10 વર્ષ પહેલા થયા હતા .અને રોજગારી માટે વાપી આવેલા બંને દંપતી  પહેલી નજરે સુખી જાણતા હતા.પાડોશીઓના મતે  પતિ લક્ષ્મીકાંત  પત્ની સાધના ને ખુબ જ પ્રેમ કરતો હતો,જોકે એક વહેમ એ  પતિ ને હેવાન બનાવી દીધો.અને પત્નીના આડાસંબંધના વહેમમાં  તેનું ગળું કાપી મસ્તક ધડ થી અલગ કરી અને ગટરમાં ફેંકી દેવાની ચકચારી ઘટના ને અંજામ આપનાર  પતિ હાલે પોલીસ પાંજરે પુરાયો છે