વલસાડના ઉમરગામમાં એક પરણિતા સાથે સામૂહિક દુષ્કર્મનો બનાવ સામે આવ્યો છે. જેમા 3 શખ્સોએ પહેલા યુવતીનું અપહરણ કર્યું અને બાદમાં તેની સાથે સામૂહિક દુષ્કર્મ આચર્યું હતું.
વલસાડના ઉમરગામમાં અપહરણ બાદ સામૂહિક દુષ્કર્મ ઘટના
3 આરોપીએ પરણિતાનું અપહરણ કર્યા બાદ દુષ્કર્મ ગુજાર્યુ
પોલીસે વિવિધ ટીમ બનાવી 3 આરોપીઓને ઝડપી પાડ્યા
રાજ્યમાં મહિલાઓ સાથે બની રહેલા અત્યાચારના બનાવો હવે એક ચિંતાનો વિષ બન્યો છે. દિવસેને દિવસે હવે રાજ્યમાં દુષ્કર્મના બનાવો વધી રહ્યા છે. ત્યારે વધુમાં ફરી વલસાડના ઉમરગામમાં દુષ્કર્મનો બનાવ સામે આવ્યો છે. જેમાં ત્રણ શખ્સોએ એક પરણિતાનું અપહરણ કરી સામૂહિક દુષ્કર્મ આચર્યુ હતું.
વલસાડના ઉમરગામમાં અપહરણ બાદ સામૂહિક દુષ્કર્મ ઘટના
વલસાડના ઉમરગામમાં એક પરણિતા દવાખાને જઈ રહી હતી. તે દરમિયાન 3 શખ્સોએ સરીગામ નજીક પરણિતાનું અપહરણ કર્યુ હતું. બાદમાં આ નરાધમોએ પરણિતા પર દુષ્કર્મ આચર્યુ હતું. આ ઘટનાની જાણ ભીલાડ પોલીસને થતાં પોલીસે ગણતરીના સમયમાં જ પરણિતાને અપહરણકર્તાઓની કેદમાં છોડાવી હતી. આ દરમિયાન ત્રણેય આરોપીઓ પોલીસને ચકમો આપીને ફરાર થઈ ગયાં હતાં. આ ઘટનાની જાણ વલસાડ જિલ્લાના પોલીસના ઉચ્ચ અધિકારીઓને થતાં તેઓ તાબડતોબ ભીલાડ પહોંચી ગયાં હતાં. આ દરમિયાન પોલીસે વિવિધ ટીમો બનાવી ને ત્રણેય આરોપીઓની ધરપકડ કરી દેવામાં આવી હતી. અને તેઓની વિરૂદ્ધ વિવિધ ગુનાઓ નોંધી કાયદેસરની કાર્યવાહી હાથ ધરી છે