વડોદરાની સુમનદીપ વિદ્યાપીઠમાં રેગિંગનાં ઓર્થોપેડીકના વિદ્યાર્થી સાથે રેગિંગની ઘટના સામે આવી છે. સુમનદીપ વિદ્યાપીઠના ટ્રસ્ટ્રીને પૂછતા તેઓએ આ બાબતે અજાણ હોવાનું રટણ કર્યું હતું.
વડોદરાની સુમનદીપ વિદ્યાપીઠમાં રેગિંગની ફરિયાદ
3 સિનિયર વિધાર્થીઓએ રેગિંગ કરી હોવાની જુનિયર વિદ્યાર્થીએ કરી ફરિયાદ
વિદ્યાર્થીના વાલીએ પણ એન્ટી રેગિંગ સેલમાં કરી ફરિયાદ
વડોદરાની સુમનદીપ વિદ્યાપીઠમાં રેગિંગનાં ઓર્થોપેડીકના વિદ્યાર્થી સાથે રેગિંગની ઘટના સામે આવી છે. ત્યારે કોલેજ શરૂ થયે હજુ 10 દિવસનો જ સમય વીત્યો છે ત્યાં રેગિગની ઘટના પ્રકાશમાં આવી છે. આ બાબતે સુમનદીપ વિદ્યાપીઠના ટ્રસ્ટ્રીને પૂછતા તેઓએ પણ આ બાબતે અજાણ હોવાનું રટણ કર્યું હતું.
3 સિનિયર વિધાર્થીઓએ રેગિંગ કરી હોવાની ફરિયાદ
વડોદરાની સુમનદીપ વિદ્યાપીઠમાં ઓર્થેપેડિક વિભાગના બીજા અને ત્રીજા વર્ષના વિદ્યાર્થીઓ સામે જુનિયર વિદ્યાર્થીએ રેગિગની ફરિયાદ કરી છે. ત્યારે 3 સિનિયર વિદ્યાર્થીઓ ર્ડા.ક્ષેમાંકર શાહ, ર્ડા.ગૌરવ વાડોદરિયા અને ર્ડા.હાર્દિક નાયક પર રેગિંગનો આરોપ લગાવ્યા છે. જુનિયર વિદ્યાર્થીઓએ ઓર્થેપેડિક વિભાગના હેડ ર્ડા. સર્વાંગ દેસાઈને ફરિયાદ કરી છે.
જુનિયર વિદ્યાર્થીના પૈસાથી જ સિગરેટ અને જ્યુસ પીતા હતા
ઓર્થેપેડીક વિભાગના જુનિયર વિદ્યાર્થી સાથે થયેલ રેગિંગ મામલે વિદ્યાર્થીના વાલીએ પણ એન્ટી રેગિંગ સેલમાં ફરિયાદ કરી છે. ત્યારે સિનિયરો દ્વારા રેગિગ કરતા વિદ્યાર્થી આત્મહત્યા કરવા માંગતો હતો. તેમજ સિનિયર વિદ્યાર્થીઓ તેની પાસે 11 કલાક કામ કરાવતા હતા. તેમજ જુનિયર વિદ્યાર્થીના પૈસાથી જ સિગરેટ અને જ્યુસ પીતા હતા.