રાજ્યમાં અકસ્માતનો ઘટનામાં સતત વધારો થઈ રહ્યો છે. ત્યારે વડોદરાના કોટંબી ગામ પાસે સોમવાર મોડીરાતે એક કાર ચાલકે ટુ વ્હીલરને અડફેટે લેતાં 3 વ્યક્તિઓના મોત નીપજ્યાં છે.
વાઘોડિયા તાલુકાના કોટંબી ગામે મોડી રાતની ઘટના
અજાણ્યા કાર ચાલકે યુવાન સહીત ત્રણ લોકોને અડફેટે લેતા મોત
પોલીસે અકસ્માત સર્જનાર કાર કબ્જે કરી
વાઘોડિયા તાલુકાના કોટંબી ગામે મોડી રાતની ઘટના
વડોદરાના વાઘોડિયા તાલુકાના કોટંબી ગામ પાસે ગઇકાલે મોડીરાતે એક કાર ચાલકે બે વાહનચાલકોને અડફેટે લેતા ટુ વ્હીલર પર જતા ત્રણ વ્યક્તિઓના મોત થયા છે.જ્યારે અન્ય બે વ્યક્તિઓને ઇજા થતા હોસ્પિટલમાં સારવાર માટે દાખલ કરવામાં આવ્યા છે.અકસ્માત પછી કાર છોડીને ભાગી ગયેલા કાર ચાલકની પોલીસે શોધખોળ હાથ ધરી છે.
યુવાન સહિત ત્રણ લોકોના મૃત્યુ
આ અંગે પોલીસ સૂત્રોના જણાવ્યા અનુસાર બાજવા ખાતે રહેતા કમલેશ રમેશભાઈ ઠાકોર પોતાની સાસરીમાં જરોદ ગામે આવ્યાં હતાં. તેઓને કંપનીના કામે રાજસ્થાનના કોટા ખાતે જવાનું હોઈ પોતાનું ટુ વ્હીલર લઈ વડોદરા રેલવે સ્ટેશન ખાતે જઈ રહ્યાં હતાં. તે દરમિયાન વડોદરાના પર કોટંબી ગામ પાસે એક કારચાલકે ગફલત ભરી રીતે ચલાવી કમલેશભાઈને ટુ વ્હીલરને ટક્કર મારતાં તેઓને માથાના ભાગમાં ગંભીર ઈજા પહોંચી હતી.
પોલીસે અકસ્માત સર્જનાર કાર કબજે કરી
આ દરમિયાન કાર ચાલકે અન્ય એક બાઈકને પણ ટક્કર મારતાં બાઈક પર સવાર દંપત્તિ અને બે બાળકોને ઈજા પહોંચી હતી. જે પૈકી દંપત્તિની 6 વર્ષીય બાળકીનું પણ સારવાર દરમિયાન મોત નીપજ્યું હતું .જ્યારે અન્ય બાળકીની માતા અને પાંચ વર્ષની બાળકીને વધુ સારવાર માટે મોટી હોસ્પિટલ ખાતે દાખલ કરવામાં આવ્યા હતા.જો કે,અકસ્મતા સર્જાવીને કાર ચાલક કાર છોડીને ઘટના સ્થળે ભાગી જવામાં સફળ રહ્યો હતો.આ ઘટનાની જાણ પોલીસને થતાં પોલીસનો કાફલો ઘટના સ્થળે પહોંચી ગઈ હતી. અને કાયદેસરની કાર્યવાહી હાથ ધરતાં અકસ્માત સર્જનાર કારને કબ્જે કરી હતી. પોલીસને કારમાંથી મોબાઈલ ફોન અને દારૂની બોટલ મળી હતી