હેવાન / વડોદરામાં 'સુરત વાળી'થતા રહી ગઈ, પૂર્વ પતિએ માવતર રહેતી યુવતીના ગળે ખંજર લગાવી થયો ફરાર, બાદ્દમાં આત્મહત્યાનું કર્યું નાટક

• વડોદરામા સુરત વાળી થતા રહી ગઈ 
• પૂર્વ પત્નીને ગળે ખંજર ભોકતો યુવક 
• આરોપીએ હાથની નસ કાપવા કર્યો પ્રયાસ 

ગુજરાતભરમાં અરેરાટી ફેલાવનારી સુરતની ગ્રીષ્મા હત્યાકેસનો કથિત ધડો લઈને વડોદરાની યુવતીના પૂર્વ પતિએ સુરત વાળી કરવાના ઓરતા સેવ્યા હતા. જો કે, તેની મેલી મુરાદ બર આવી નહોતી. લગભગ દાયકા પહેલા પ્રેમલગ્ન કરી સંસાર ચલાવતા ખાંટ યુવકને પત્ની સાથે વારંવાર ઝઘડા થતા,પાંચ મહિના પહેલા જ બંને છુટ્ટા પડ્યાં હતા. માવતરે રહેવા જતી રહેલી પૂર્વ પત્નીના ઘરે પતિ પહોચી ગયો અને ગળે ખંજર લગાવી દીધું હતું. બાદમાં પોતે પણ નસ કાપવા પ્રયાસ કર્યો હતો. જો કે,  બાપોદ પોલીસે તેની અટકાયત કરી કાયદેસર કાર્યવાહી હાથ ધરી હતી.

દસ વર્ષનું લગ્નજીવન ખટરાગયુક્ત 

વડોદરાના ખોડિયાર નગરમાં રહેતો ગણપત ખાંટ,આ જ વિસ્તારમાં રહેતી દીપિકા ( નામ બદલ્યું છે ) સાથે પરમ લગ્ન કરી સંસાર માંડ્યો હતો. દાયકાના લગ્નજીવનમાં બનેન વચ્ચે જોઈએ તેવો મનમેળ ના હતો. અવાર-નવાર ટંટો -ફસાદ, અને કજિયા રહેતા હતા. લાંબા સમયથી ચાલી રહેલા ખટરાગ બાદ પાંચે'ક મહિના પહેલા બંનેએ છુટ્ટા પડવાનો નિર્ણય કર્યો હતો. પોતાની થી અલગ થઇ ને રહેતી દીપિકા સુખી જીવન જીવી શકે તે પૂર્વ પતિ ગણપતને પસંદ નહોતું. આ સમય દરમિયાન પણ ગણપત અવાર-નવાર પરેશાન કરતો અને જાનથી મારી નાખવાની ધમકી પણ આપતો.  

આત્મહત્યા કરવાનું નાટક કર્યું 

બપોરના સુમારે ગણપત પૂર્વ પત્ની દીપિકાની ઘરે પહોચ્યો હતોઅને ગળાના ભાગે ખંજર મૂકી દીધું હતું.આ ઘટના બાદ તે ફરાર થઇ ગયો હતો.ઈજાગ્રસ્ત દીપિકાને તેના પરિજનો સારવાર માટે હોસ્પિટલ લઇ ગયા હતા. ઘટનાની જાણ બાપોદ પોલીસને કરવામાં આવતા,પોલીસ પણ એકશનમાં આવી ગઈ હતી. પૂર્વ પત્નીના હુમલાખોર ગણપતે પોતના હાથ પર બ્લેડના છરકા મારી આત્મહત્યા કરવાનું નાટક પણ કર્યું હતું. જો કે, પોલીસે ગણપતની અટક કરીને કાયદેસરની કાર્યવાહી હાથ ધરી હતી