તપાસ ચાલે છે / વડોદરાના હાઈ પ્રોફાઈલ દુષ્કર્મ કેસમાં CAની કાર સુધી જ પહોચી શકી છે ક્રાઈમ બ્રાંચ ; આરોપી અશોક જૈન ક્યાં ?

દુષ્કર્મ કેસમાં વડોદરા ક્રાઈમ બ્રાન્ચમાં ધમધમાટ

અંદાજે 25 લોકોની થઇ રહી છે પૂછ પરછ 

અશોક જૈન ભૂગર્ભમાં;ચાર દિવસ પછી પોલીસ શોધે છે 

વડોદરાના હાઈ-પ્રોફાઈલ દુષ્કર્મ કેસમાં, ચાર-ચાર દિવસ છતાં પોલીસ હજુ આરોપીની પૂછ પરછ સુધી પણ પહોચી શકી નથી અને આરોપીને તમામ વ્યવસ્થા માટે સમય મળી રહ્યો હોવાનો ગણગણાટ શિક્ષિત સમાજમાં થવો સ્વાભાવિક છે. એક તરફ બૂટલેગર અલ્પુ સિંધી પ્રચાર માધ્યમોને મુલાકાત આપી,ઘટનામાં શું બન્યું તેની વિગત આપે છે તો વડોદરા ક્રાઈમ બ્રાંચ અલ્પુ સિંધીને પકડવા ટીમ તહેનાત કરી હોવાની વાત કરે છે. મીડિયાની નજરથી શા માટે કેસ સાથે સંકલાયેલા લોકોને પોલીસ કેમેરાની નજરથી બચાવી રહી છે ? વડોદરા ક્રાઈમ  બ્રાંચે અશોક જૈનની કાર કબજે કરી છે તો સવાલ એ થયા છે કાર માં એવા ક્યા પૂરાવા હશે કે પોલીસે તેને ડીટેઈન કરી છે ? ફરિયાદના ચાર દિવસ છતાં પોલીસ અશોક જૈન સુધી કેમ નથી પહોચી શકી ? અને રાજૂ ભટ્ટ એવા ક્યા દબાણ હેઠળ ક્રાઈમ  બ્રાન્ચમાં રજુ થયો તેનો પણ ખુલાસો થાય તેવી સંસ્કારી નગરીની પ્રજા માત્ર લાગણી જ નહિ માગણી પણ છે

માછલી પકડાય તો પ્રેસ કોન્ફરન્સ;મગરમચ્છને મિડીયાથી બચાવે છે પોલીસ 

રાજ્યભરમાં ચકચાર જગાવનાર એવા વડોદરાના હાઈ-પ્રોફાઈલ દુષ્કર્મ કેસમાં લોકોત્તેજ્ના પણ પ્રબળ બનતી જાય છે. દિવસ ઉગતા જ એક નવા પ્રકરણથી વડોદરાના દુષ્કર્મ કેસની શરૂઆત થાય છે.આ જ કડીમાં પાવાગઢ મંદિરનો સેક્રેટરી રાજુ ભટ્ટ જેની બે દિવસ પહેલા જ પાવાગઢ ટ્રસ્ટે હકાલ પટ્ટી કરી હતી .તે રાજુ ભટ્ટ નાટયાત્મક ઢબે ક્રાઈમ બ્રાન્ચમાં હાજર થયો હોવાની માહિતી મળી છે. બીજો આરોપી અશોક જૈન વિદેશ પોબારા ભણી ગયો હોવાની આશંકા વચ્ચે પોલીસે અશોકને પકડવા અલગ-અલગ ટીમ બનાવી દિશા દોર માંડ્યો છે. હાઈ-પ્રોફાઈલ એવા દુષ્કર્મ કેસમાં આરોપીઓને મીડિયાની નજરથી બચાવવા પોલીસે વડોદરા પાણીગેટ કચેરીના દરવાજા બંધ કરી દીધા છે અને અંદાજે 22 થી 25 લોકોની દુષ્કર્મ કેસમાં પૂછ પરછ થઇ રહી છે. ઉલ્લેખનીય છેકે, વડોદરાની ખાનગી યૂનિવર્સીટીમાં કાયદા શાખાનો અભ્યાસ કરતી મૂળ હરિયાણાની યુવતી પર ચાર્ટડ અકાઉન્ટન્ટ અશોક જૈન,રાજુ ભટ્ટ એ યુવતીને માર મારી પાશવતા પૂર્વક જધન્ય કૃત્ય આચર્યું હતું.

અશોક જૈનની બે કાર કબજે-ભત્રીજાની પૂછપરછ 

વડોદરા દુષ્કર્મ કેસમાં પોલીસે આરોપી અશોક જૈનની બે કાર કબજે કરી કરી છે તો અશોક જૈનના ભત્રીજા અને એ ફ્લેટ જ્યાં દુષ્કર્મના  ડાઘ છે તેવા ફ્લેટ માલિક રાહિલ જૈનની પણ પૂછ પરછ કરવમાં આવી છે. પીડિતાને જે હોટેલમાં બોલાવવામાં આવી હતી.અને જ્યાં સૌ પ્રથમવાર રોકવામાં આવી હતી  તે હાર્મની હોટેલના માલિકની પણ પોલીસે પૂછ પરછ કરી છે ACP ચૌહાણના કહેવા પ્રમાણે આરોપી અશોકને ઝડપી લેવા ચક્રો ગતિમાન કર્યા છે અને પોલીસે 7 ટીમ બનાવી અલગ-અલગ દિશામાં તપાસ હાથ ધરી છે. પોલીસને અલગ-અલગ લોકોની પૂછ પરચ દરમિયાન કેટલાક મહત્વના કહી શકાય તેવા પૂરાવાઓ મળ્યા છે જો કે, હજુ સુધી પોલીસના હાથ કોઈની ગરદન સુધી પહોચ્યા નથી.ગોત્રી પોલીસમાં ફરિયાદ વખતે પીડીતાનો સહયોગી અલ્પુ સિંધીને શોધવા પણ પોલીસે એક ટીમ બનાવી છે. 

CA અશોક જૈન, સેક્રેટરી રાજુ ભટ્ટના ફોટો રજૂ કર્યા 

બીજી તરફ દુષ્કર્મનો ભોગ બનેલી પીડિતાએ પોલીસમાં CA અશોક જૈન, સેક્રેટરી રાજુ ભટ્ટના  પુરાવા તરીકે અનેક ફોટો રજૂ કર્યા છે. પીડિયાતાએ દિવાળીપુરાના નિસર્ગ કોમ્પલેક્ક્ષમાં દુષ્કર્મ કરાયાનો આક્ષેપ કર્યો છે. તો પોલીસે પીડિતા યુવતીનું નિવેદન લઈ નોંધી આગળી કાર્યવાહી માટે સમગ્ર વિગત ક્રાઈમ બ્રાન્ચને જાણ કરી છે. તો ક્રાઈમબ્રાન્ચ દ્વારા સમગ્ર મામલે ઝીણવટ ભરી તપાસ હાથ ધરવામાં આવતા હવે કેસમાં નવા ખુલાસા થઈ શકે છે અને આ કેસમાં અનેક વળાંક આવી શકે છે તેવું મનાઈ રહ્યું છે.