વડોદરામાં તાજેતરમાં હાઈરિસ્ક દેશમાંથી વધુ 73 પ્રવાસીઓ આવ્યાં હતાં. જેઓનો રિપોર્ટ નેગેટિવ આવતાં સૌ કોઈએ રાહતનો શ્વાસ લીધો હતો.
વડોદરામાં વિદેશથી 79 પ્રવાસીઓ આવ્યા
હાઇરિસ્ક દેશમાંથી આવેલા 73 લોકો ક્વોરન્ટાઇન
તમામના કોરોના રિપોર્ટ આવ્યા નેગેટિવ
ઓમિક્રોનની દહેશત વચ્ચે વિદેશથી પ્રવાસીઓ આવતા ચિંતાનો માહોલ
વડોદરામાં ઓમિક્રોનની દહેશત વચ્ચે આરોગ્ય વિભાગ દ્વારા વેક્સિનેશનની તૈયારી પૂરજોશમાં ચાલી રહી છે. ત્યારે વડોદરા શહેરમાં તાજેતરમાં હાઈરિસ્ક દેશમાંથી વધુ 79 પ્રવાસીઓ આવ્યાં હતાં. જેમાં 73 લોકોને હોમ ક્વોરન્ટીન કરવામાં આવ્યા હતાં. જેઓનો રિપોર્ટ નેગેટિવ આવતાં સૌ કોઈએ રાહતનો શ્વાસ લીધો હતો.
રિપોર્ટ નેગેટિવ આવતા આરોગ્ય વિભાગે રાહત અનુભવી
વડોદરામાં આવેલા વિદેશી પ્રવાસીઓ પૈકી હાઈરિસ્ક દેશોમાંથી આવેલા 73 પ્રવાસીને હોમ ક્વોરન્ટીનને એક સપ્તાહ પૂરો થતા ફરીથી સેમ્પલ લેવાયા હતા. આથી તંત્રની નજર તેઓના રિપોર્ટ પર હતી.જોકે તે તમામ ટેસ્ટના રિપોર્ટ નેગેટિવ આવતા તંત્રને રાહત થઈ છે.જો કે વડોદરામાં ઓમિક્રોનનો હજુ સુધી એક કેસ નોંધાયો નથી. પરંતુ તકેદારીના ભાગરૂપે શહેરની ગોત્રી હોસ્પિટલમાં વેન્ટિલેટરની સુવિધાવાળા 10 બેડની વ્યવસ્થા કરવામાં આવી છે.
22 દિવસમાં 2144 પ્રવાસીઓમાંથી 630 હાઇરિસ્ક દેશમાંથી આવ્યા
ઓમિક્રોનનો નવો વેરિયન્ટ મળ્યા બાદ વિદેશથી વડોદરામાં 2144 પ્રવાસીઓ આવ્યા છે. જેમાંથી 322 લોકોનો ક્વોરન્ટિન પિરિયડ પૂર્ણ થઇ ચુક્યો છે. જ્યારે આજે પણ 79 લોકો વિદેશથી વડોદરા આવ્યા છે જેમાંથી 73 પ્રવાસીઓ હાઇરિસ્ક દેશોમાંથી આવ્યા છે. જેઓના કોવિડ રિપોર્ટ નેગેટિવ આવ્યા છે. અત્રે ઉલ્લેખનીય છે કે, હજુ સુધી વડોદરામાં ઓમિક્રોનનો એક પણ કેસ મળ્યો નથી.